MATIUS 21:3 - KITTA' MATANGKASA'

³ Punna nia' angkuta'nangko, pauammi patanna angkana, ‘Naparalluangi Batara,’ napassareang mintu nuerang anjo keledaia.”

MATIUS 21:3 Iomraidhean Croise

1 KARAENG-KARAENG 17:9

“Kamma-kamma anne musti a'lampako mange ri kota Sarfat, ri ampi'na Sidon, siagang ammantangko anjoreng. Nia'mo sitau janda le'ba' Kusuro anjoreng untu' assareko kanre.”

EZRA 1:1

Ri taung makase're ammarenta Kores, karaeng Persia, Narupaimi Batara apa le'baka Napau tete ri Na'bi Yeremia. Napagio'mi Batara nyawana Kores untu' appasulu' se're parenta, nibacaya ri sikontu kakaraenganna. Ia bonena anjo sura' parentaya iamintu:

EZRA 1:5

Nampa sikamma imang kapalaya battu ri golongang suku Yehuda siagang Benyamin, sikamma imanga siagang tu Lewia, kammayatompa sikamma tau nipagioka nyawana ri Allata'ala, apparuru ngasemmi untu' ammotere' mange ri Yerusalem, ambangungi Balla'Na Batara ammotere'.

EZRA 7:27

Nampa nakanamo Ezra, “Pujimi Batara, Allata'ala nisombaya ri boe-boena ikambe! Napa'gilimmi atinna karaenga, sa'genna ero' amparhatikangi Balla'Na Batara ri Yerusalem.

PAMMUJI 24:1

Pammujina Daud. Batara pata sikontu linoa siagang bonena, linoa siagang sikontu ammantanga ilalang.

MATIUS 21:2

Napasammi ke'nanga angkana, “A'lampamako mange anjoreng ri kampong niaka ri dallekannu. Nia' sinampe' nucini' sikayu keledai tappau' siagang ana'na. Lappassang rua-ruami, nampa nuerang mae.

MATIUS 21:4

Lanri kammana a'rupami apa le'baka napau na'bia angkanaya,

YOHANES 17:2

Le'ba'mi Kipassareang mae ri AnatTa koasaya irateanna sikontu rupataua, sollanna akkulle Nasare katallassang mannannungang sikamma tau Kikellaia nisare.

YOHANES 3:35

Nakamaseangi Manggea Ana'Na, na Napassareang ngasemmo koasaya ri Ana'Na.

LAMPA-LAMPANA 17:25

Tena todong Naparallu ri pannulunna rupataua, nasaba' Iami assarei katallassang siagang nyawa, kammayatompa assarei sikontu apa-apa rupataua!

2 KORINTUS 8:16

Teai sipato' sukkuru'na ikambe mae ri Allata'ala nasaba' nisarena todong pakkulle Titus attojeng-tojeng ambantu ngasengko!

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

1 SAMUEL 10:26

Saul ammotere' tommi mae ri balla'na ri Gibea, nirurungang ri siapa are jaina tugammara' na barani siagang le'bakamo nipagio' atinna ri Batara.