MATIUS 2:5 - KITTA' MATANGKASA'

⁵ Appialimi ke'nanga angkana, “Ri kota Betlehem, ri pa'rasangang Yudea. Nasaba' kammaminne le'baka natulisi' na'bia,

MATIUS 2:5 Iomraidhean Croise

PA'JARIANG 35:19

Matenamo Rahel, nitarawammi ri biring agang mangea ri Efrata, ia niarenga kamma-kamma anne Betlehem.

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.

MATIUS 2:4

Nasuro kio' ngasemmi Herodes sikontu imang-imang kapalaya siagang guru-guru agamana tu Yahudia. Napa'rappungammi ke'nanga nampa nakuta'nang angkana, “Kemae lanilassukang anjo Karaeng le'baka Napa'janjiang Allata'ala?”

YOHANES 7:42

Kania' tattulisi' lalang ri Kittaka angkanaya anjo Karaeng Mappasalamaka sossoranna Daud siagang labattu anjorengi mae ri Betlehem, iamintu kamponna Daud.”

YOSUA 19:15

Lalang ri daerana anjo suku Zebulon antama tongi: Katat, Nahalal, Simron, Yidala siagang Betlehem. Anjo daerana ke'nanga antama tongi sampuloa anrua kota siagang sikamma desa-desa niaka ri tammulilina.

HAKING-HAKING 17:7

Ia todong anjo wattua nia' se're turungka battu ri suku Lewi. Anjorengi ri Betlehem ri daera Yehuda ammantang riolo.

RUT 1:1

Ri jammang riolo ri tenanapa karaenna tu Israel, nitutujui bala kacipurang pa'rasangang Kanaan. Anjo wattua nia' sitau bura'ne niareng Elimelekh. Ia assala'na battui ri bija Efrata, siagang anjorengi ri Betlehem ri daera Yehuda ammantang. Passabakkang anjo bala kacipuranga na'lampamo mange ri pa'rasangang Moab siagang bainenna, niarenga Naomi, siagang rua ana'na bura'ne iamintu niarenga Mahlon siagang Kilyon. Nampa ammantammo ke'nanga anjoreng. Na ri wattu nia'na ija ke'nanga anjoreng,

RUT 1:19

Jari napatulusu'mi lampana ke'nanga, sa'genna anrapi' mange ri Betlehem. Kamma battuna ke'nanga mange anjoreng, gegere'mi taua ri sikontu anjo kotaya. Nakana ngasemmo tubai'-bainea anjoreng, “Maka Naomi tojengka anjo?”

RUT 2:4

Tena nasallo battumi Boas battu ri Betlehem na'barisallang mae ri sikamma pakattoa. Nakana, “Poro Narurungang ngasengko Batara.” Appialimi sikamma pakattoa angkana, “Poro Nabarakkakiki' Batara”.

RUT 4:11

Sikamma tutoa-toana masarakaka siagang tumaraengannaya ia hadereka anjoreng massing angkanami, “Iyo, ikambemi sa'bina. Tapporo nipa'jari anjo bainennu ri Batara sangkamma Rakhel siagang Lea, allassukanga jai ana' untu' Yakub. Tapporo kalumanynyangko ri tangnga-tangngana tau battua ri bijanna Efrata, siagang tapporo alla'bangko niasseng ri Betlehem.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”