MATIUS 2:3 - KITTA' MATANGKASA'

³ Nalangngere'na Herodes anjo kabaraka, teaimi sipato' ta'bangkana. Kammayatompa sikontu tau niaka ri Yerusalem ta'bangka ngaseng tommi.

MATIUS 2:3 Iomraidhean Croise

2 KARAENG-KARAENG 6:11

Sanna'mi birisi'na karaeng Siria ri anjo passalaka, sa'genna nakio' sikamma perwira tantarana nampa akkuta'nang angkana, “Ma'nassa nia' tau ri katte a'bali'ballang. Inai anjo taua? Paui!”

MATIUS 2:2

Battui akkuta'nang mange-mange ke'nanga angkana, “Kemae pammantanganna anjo Ana' beru nilassukanga, la'jari karaenga ri tu Yahudia? Le'baki nia' ammumba bintoeng pammateiNa iraya. Nia' maki' anne battu ero' anynyomba ri Ia.”

MATIUS 2:4

Nasuro kio' ngasemmi Herodes sikontu imang-imang kapalaya siagang guru-guru agamana tu Yahudia. Napa'rappungammi ke'nanga nampa nakuta'nang angkana, “Kemae lanilassukang anjo Karaeng le'baka Napa'janjiang Allata'ala?”

MATIUS 23:37

“O Yerusalem, O Yerusalem! Kau ambunoi na'bi-na'bia. Nusambilai batu sikamma tunisuroNa Allata'ala sa'genna mate. A'mole-moleMa' ero' anraka' ngasengko sanrapang anrong janganga ancokkoi ana'-ana'na irawangang ka'nyi'na. Mingka tena ngaseng nuero'!

MATIUS 24:6

Lanulangngereki sallang sa'ra bunduka, kammayatompa kabara' pa'bundukanga. Mingka teako mallakki. Nasaba' anjo sikammaya lakajariang ngaseng memang tongi; mingka teaipi anjo wattua nabattu allo kiamaka.

MATIUS 8:29

Battu lalangi ke'nanga assulu' ri pa'jerakkanga akkiok-kio' angkana, “E Ana'Na Allata'ala! Apa ero' battu nugaukang ri kambe? Ero' mako battu ansessai kambe, manna tanarapikapa wattunna?”

MARKUS 13:7

Punna nia' nulangngere' sa'ra pa'bundukang, yareka kabara' pa'bundukang, teako mallakki. Yangasenna anjo lakajariang memangi, mingka tanarapikapi wattu kiamaka.

LAMPA-LAMPANA 4:2

Larromi ke'nanga lanri napauna Petrus siagang Yohanes mae ri taua angkanaya attallasa' poleammi Isa battu ri kamateanga. Na iaminjo a'jari butti angkana lattallasa' poleangi tau matea.