MATIUS 2:11 - KITTA' MATANGKASA'

¹¹ Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

MATIUS 2:11 Iomraidhean Croise

PA'JARIANG 43:11

Jari nakanamo manggena ke'nanga, “Punna memang musti kammai, erangi wassele' kaminang bajika anrinni ri pa'rasanganga nampa nupantama' ri karunnu, nanusare hadia anjo guburnurka, iamintu: Kismis, je'ne' bani, rampa-rampa, rappo sapiri siagang rappo badang.

1 KARAENG-KARAENG 10:10

Nampa anjo karaeng baine battua ri pa'rasangang Syeba assaremi hadiah mae ri Salomo ia naeranga, iamintu la'bi 4.000 kilo battala'na bulaeng siagang jai batu paramata, kammayatompa rampa-rampa. Tena le'bakami ribokoangannaya Salomo annarima kammaya anjo jaina rampa-rampa sangkamma anjo napassareanga anjo karaeng baine battua ri pa'rasangang Syeba mae ri ia. (

1 KARAENG-KARAENG 10:2

Battui a'rurung siagang jai parurunna siagang unta battalaka napakamma lurang rampa-rampa, batu paramata, siagang sanna' jaina bulaeng. Ri wattu assibuntulu'na siagang Salomo, sangka' rupami napakkuta'nangngang akkullea napikkiri'.

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 45:8

Nungai katojenganga siagang nukabirisi kaja'dallanga; lanri kammana, Allata'ala, Allata'alata Napile mako, siagang Napakate'ne mako la'biangang na karaeng maraenga.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

PAMMUJI 72:15

Mattallasaki karaenga! Poro nipassareangi mae ri ia bulaeng battua ri Arab. Poro nipappala' doangangi lalang sikontua wattu na tuli nisare pangngellai.

PAMMUJI 95:6

Umba kisu'ju' anynyomba mae ri Ia, akkulantu' ri dallekanNa Batara, Tumapparetta.

KALAPPASSANG 30:23

“Angngalleko rampa-rampa kaminang baji', annang kilo mur assolonga, tallu kilo kayu te'ne, tallu kilo ta'bu bau',

KALAPPASSANG 30:34

Nakana Batara ri Musa, “Angngalleko a'rupa-rupa rampa ia sangkammaya jaina, iamintu gatta damara', bi'bi' lokan, gatta rasamala siagang kamanynyang tenaya campuranna.

KELONG MALA'BIRI' 3:6

Apa kutadeng anjo niaka battu ri parang lompoa, sangkamma umbu a'rumbua? Bau'na sangkammai muru' siagang kamanynyang, siagang ba'ra' battua ri padangganga.

YESAYA 60:6

Nikatulungi pa'rasangannu ri unta jaia, battua ri Midian siagang Efa. Tu battua ri Syeba angngerangi bulaeng siagang kamanynyang, na napuji-puji gau'Na Batara.

KAIMANGNGANG 6:15

Musti angngallei sikangkang labu' alusu' siagang minynya' kammayatompa sikontu kamanynyanna, nampa natunu irate ri tampa' pakkoro'bangnganga a'jari pammatei angkanaya yangasenna anjo koro'banga le'ba'mi nipassareang mae ri Batara. Rasanna anjo koro'banga napakasannangi nyawaNa Batara.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

MATIUS 1:18

Ia kalassukanNa Isa Almasi kammai anne lampa-lampana. Amma'Na niarenga Maria, eroki nipasialle siagang Yusuf. Mingka lalang tenanapa nasialle ke'nanga, apaji natianammo Maria lanri gau' makoasa battua ri RohNa Allata'ala. Na tanaassenga Yusuf angkanaya lanri gau' makoasa battu ri RohNa Allata'ala natianang anjo Maria.

MATIUS 12:46

Lalang a'bicaraNa Isa siagang anjo tau jaia, battumi amma'Na siagang sari'battanNa. Eroki antama' ke'nanga angngagangi a'bicara Isa.

MATIUS 14:33

Su'ju' ngasemmi ana'-ana' gurunNa Isa anynyomba ri Ia. Angkanami ke'nanga, “Ma'nassa tojeng, iKattemi Batara Ana'Na Allata'ala!”

MATIUS 2:2

Battui akkuta'nang mange-mange ke'nanga angkana, “Kemae pammantanganna anjo Ana' beru nilassukanga, la'jari karaenga ri tu Yahudia? Le'baki nia' ammumba bintoeng pammateiNa iraya. Nia' maki' anne battu ero' anynyomba ri Ia.”

LUKAS 2:16

A'lampa memammi ke'nanga. Na nabuntulu'mo ke'nanga Maria siagang Yusuf, kammayatompa anjo anaka, nipatinro ri pangnganreang olo'-oloka.

LUKAS 2:38

Sitabangi battu todong ri Balla'Na Batara anjo wattua. Ammuji-mujimi ri Allata'ala, siagang nabicarami ri passala'na anjo Anaka mae ri sikamma tau attayanga kabattuanNa Allata'ala ampasalamaki bonena Yerusalem.

YOHANES 19:39

A'lampa tommi Nikodemus le'baka battu ri wattunna bangngi mae ri Isa. Angngerammi Nikodemus rampa-rampa, kammaya campurang minynya'-minynya' bau', siagang minynya'-minynya' bau' cendana – kira-kira nia' tallumpulo kilogarang jaina battala'na.

PAPPICINI' 19:10

Nampa su'ju'ma' ri dallekanna anjo malaekaka, ero' anynyomba ri ia; mingka nakanamo ri nakke, “Teako! Teako anynyombai ri nakke, mingka Allata'ala nusomba! Nasaba' inakke ata tonja' sangkamma ikau siagang sikontu sari'battannu anna'gala' jarreka mae ri biritta tojenga, Napabattua Isa!” Nasaba' iaminjo kasa'bianga mae ri Isa assarei taua pangngissengang untu' ampabattui biritta battua ri Allata'ala.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.

1 SAMUEL 10:27

Mingka nia'mo siapa are tau ja'dala' angkana, “Kemae lakkulle a'matu-matu anne taua mae ri katte?” Nacini' rawami ke'nanga anjo Saul siagang taerokai ke'nanga assarei hadia. Mingka assara-sarai Saul tanaassenga anjo kammaya.