MATIUS 19:9 - KITTA' MATANGKASA'

⁹ Jari, pilangngerimi anne: Inai-nai antallaki bainenna – nateaija passala' a'gau' salimara' – na ribokoanganna na'baine poleang baine maraeng, a'gau' salimara' minjo taua.”

MATIUS 19:9 Iomraidhean Croise

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

2 PATTOTTORANG 21:11

Ba'lalo ambangungi tampa'-tampa' panynyombang mae ri barhalaya ri daera-daera monconna Yehuda, na naerang ra'ya' Yehuda siagang Yerusalem mae ri gau' dorakaya mae ri Batara.

YEREMIA 3:1

Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

YEHEZKIEL 16:15

Mingka ikau nupake salai kaga'gannu kammayatompa kabaukang arennu. Attinroko siagang bura'ne sambarang niaka allalo.

YEHEZKIEL 16:29

Nampa a'jariko pasundala' mae ri tu Babel, anjo bansa padangganga. Mingka tena todong nakkulle ke'nanga ampassanggai baji'na pakkasia'nu.”

MATIUS 19:10

Jari angkanami ana'-ana' gurunNa Isa ri Ia, “Punna kammaja anjo pakkalabinianga, bajikangangi tenaya na'bunting taua.”

MATIUS 19:8

Appialimi Isa Nakana, “Tena napisangkaiko Musa antallaki bainennu lanri susanu ngaseng niajara'. Mingka sikontutojenna uru-uruna takammayai anjo.

MATIUS 5:32

Mingka anne kamma Kukana ri kau ngaseng: inai-nai antallaki bainenna pantaranganna passabakkang a'gau' salimara', iami a'jari saba' na'gau' salimara' anjo bainenna, punna a'bunting poleang anjo bainenna siagang bura'ne maraeng. Na inai-nai bura'ne ambuntingi anjo bainea, tappinawang tommi a'gau' salimara' siagang anjo bainea.”

LUKAS 16:18

Inai-nai antallaki bainenna, nampa a'bunting siagang baine maraeng, iami a'gau' salimara'. Siagang inai-nai bura'ne ambuntingi anjo baine le'baka nitalla', a'gau' salimara' tommi.”

1 KORINTUS 5:1

Sikontutojenna battumi mae ri nakke kabara'na angkanaya nia' tau ta'liwa'-liwa' batena a'gau' bawang ri tangnga-tangnganu; nia' tau assalimara' siagang amma' aona. Manna tau kapereka ta'gau' kammayai!

1 KORINTUS 7:39

Inai-nai baine le'ba' a'bunting, tassikkoki anjo bainea mae ri bura'nenna lalang attallasa'na anjo bura'nenna. Punna matemo anjo bura'nenna, ta'lappasa'mi anjo bainea. Akkullemi a'bunting poleang siagang bura'ne nakaerokia, assala' a'bunting cara tu Karistengi.

1 KORINTUS 7:4

Bainea tena nakalenna koasa mae ri tubuna; mingka ia koasaya mae ri tubuna iamintu bura'nenna. Kammayatompa, bura'nea tena nakalenna koasa mae ri tubuna; mingka ia koasaya mae ri tubuna iamintu bainenna.