MATIUS 19:4 - KITTA' MATANGKASA'

⁴ Appialimi Isa Nakana, “Maka tena ngasempa nubacai lalang ri Kittaka angkanaya ri uru nipare'na rupataua ri Allata'ala, Napareki bura'nea siagang bainea?

MATIUS 19:4 Iomraidhean Croise

PA'JARIANG 1:27

Kammaminjo bateNa Allata'ala ampa'jari rupataua, na Napa'jari ke'nanga sanrapang KalenNa. Napa'jarimi ke'nanga bura'ne siagang baine.

PA'JARIANG 2:18

Nampa Nakana Karaeng Allata'ala, “Tabajikai taua attallasa' kale-kalenna. LappareKa' se're parekang aganna ia cocoka ri ia untu' ambantui.”

PA'JARIANG 2:23

Nakanamo anjo taua, “Iaminne tau sangkammangku, buku battu ri bukungku, siagang dageng battu ri dagengku. Kuarengi baine, lanri battu ri bura'nei nialle.”

PA'JARIANG 5:2

Napa'jari ke'nanga bura'ne siagang baine. Nabarakkaki ke'nanga siagang Naarengi ke'nanga “Tau”.]

2 PATTOTTORANG 24:3

Ammileimi Yoyada rua baine untu' a'jari bainenna Yoas, siagang battu ri anne ke'nanga anggappami Yoas ana'-ana' bura'ne siagang ana'-ana' baine.

MALEAKHI 2:15

Sai Allata'ala tenaya ruanna ampa'jari se'reko tubu siagang se're nyawa siagang anjo bainea? Apa ero'Na Batara lalang kammaya anjo? Tena maraeng sollannu anggappa ana'-ana' untu' a'jari umma'Na Allata'ala sitojennaya. Jari katutui kalennu, gassingka nia' ri alla'nu tamajarreka mae ri bainenna.

MATIUS 12:3

Appialimi Isa Nakana, “Tena le'bakapi nubaca lalang ri Kittaka, apa nagaukanga Karaeng Daud siagang taunna ri wattunna cipuru'?

MATIUS 21:42

Jari Nakanamo Isa ri ke'nanga, “Tale'bakapi nubaca niaka tattulisi' lalang ri Kittaka angkanaya, ‘Batu tenaya napakei tukanga a'jarimi batu panjarreki. Iaminne Napareka Allata'ala; natamaka ga'gana!’ ”

MATIUS 21:6

A'lampami anjo ruaya ana' gurunNa Isa. Nagaukammi ke'nanga situru' napappasanganga Isa.

MATIUS 22:31

Apa tale'bakapi nubaca lalang ri Kittaka apa le'baka Napau Allata'ala ri passala'na tau mate nipattallasa' poleanga? Nakana Allata'ala,

MARKUS 12:10

Tantu le'ba'mi nubaca anne aya' niaka ri Kittaka angkanaya, ‘Batu tenaya napakei tukang-tukang batua a'jarimi batu majarre'na bangunanga.

MARKUS 12:26

Na passala' attallasa' poleanna tau matea, tena le'bakapi nubaca lalang ri Kitta' Musa passala'na anjo rompo' a'rinraya? Lalang anjo ri Kittaka nia' tattulisi' angkanaya le'baki angkana Allata'ala ri Musa Nakana, ‘INakkemi Allata'alana Abraham, Allata'alana Ishak, siagang Allata'alana Yakub.’

MARKUS 2:25

Appialimi Isa Nakana, “Tale'bakapi nubaca apa nagaukanga Daud ri wattunna Abyatar a'jari imang lompo? Anjo wattua cipuruki Daud siagang ana'-ana'na. Na tenamo kanrena ke'nanga. Jari antama'mi ke'nanga ri Balla'Na Batara, nampa nakanre roti le'baka nipakkoro'bangngang mae ri Allata'ala. Napassareang tommi anjo rotia mange ri ana'-ana'na. Na situru' atoranga ri agamata, imang-imangaji bawang akkulle angkanrei anjo rotia.”

LUKAS 10:26

Appialimi Isa Nakana, “Apa tattulisi' lalang ri Kittaka? Antekamma panggappanu ri anjo passalaka?”

LUKAS 6:3

Appialimi Isa Nakana, “Tenapa nale'ba' nubaca apa le'baka nagaukang Karaeng Daud, ri wattunna cipuru' siagang ana'-ana'na?