MATIUS 14:9 - KITTA' MATANGKASA'

⁹ Nalangngere'na Herodes anjo apa napalaka, teaimi sipato' susana nyawana. Mingka lanri le'ba'namo a'janji siagang assumpa ri dallekanna ngaseng toananna, takkulleami tanaturukiang pappala'na anjo tuloloa.

MATIUS 14:9 Iomraidhean Croise

KATO'BA 5:2

Pila' ranggaselai taua, pila' akkullei anggappa so'na kodi. Pila' jai bicara, pila' akkullei taua appasulu' kana-kana tolo.

MATIUS 14:1

Anjo wattua, Herodes a'jari karaeng ri pa'rasangang Galilea. Nalangngere'mi Herodes kabara'Na Isa.

MATIUS 14:10

Nasuromi taua mange ri tarungkua, mange ansamballei kallonna Yohanes.

MATIUS 14:5

Na sikontutojenna, eroki Herodes assuro bunoi Yohanes, mingka mallaki ri tau jaia. Nasaba' anjo Yohanes nipatappaki ri taua ma'nassa na'bi.

MATIUS 14:8

Na lanri niajara' salai ri amma'na, nakanamo anjo tuloloa, “Kupalaki nanisareanga' ulunna Yohanes Paje'ne'. Ero' memanga' kamma-kamma anne nipadongko' irate ri kapparaka!”

MARKUS 6:14

Sikamma kabara'na anjo kajarianga battu tommi mae ri Karaeng Herodes. Nasaba' a'la'bammi niasseng mange-mange arenNa Isa. Nia'mo tau angkana, “Attallasa' poleammi Yohanes Paje'ne'! Iaminjo saba'na na nia'mo koasana anggaukangi anjo gau'-gau' appakalannasaka.”

MARKUS 6:20

Nasaba' le'ba'mi nasuro jagai baji'-baji' Herodes kasalamakkanna Yohanes lalang ri tarungkua, lanri mallaki ri Yohanes. Naassengi angkanaya tau baji' anjo Yohanes, nisuroa ri Allata'ala. Na memang, punna a'bicara Yohanes, nangai tonji Herodes allangngereki, manna mamo na'jari sanna' lussa'na nyawana napakamma.

MARKUS 6:26

Nalangngere'na Herodes anjo apa napalaka, sanna'mi susana nyawana. Mingka takkulleami tanaturukiang, lanri le'ba'mi assumpa ri dallekanna ngaseng toananna.

LUKAS 13:32

Appialimi Isa Nakana, “Mange mako pauangi anjo tau tenaya matu-matunna angkanaya, ‘Anne alloa siagang ammuko Kubongkai setanga siagang Kuballei tau garringa, mingka ri maka talluna alloa, laKupa'le'baki jama-jamangKu.’

HAKING-HAKING 11:39

Allalonamo ruam bulang, ammotere'mi mae ri manggena. Nampa nagaukammo manggena apa anjo le'baka napa'janjiang mae ri Batara. Jari matemi anjo anaka lalang tulolona ija. Iaminjo pakkaramula passabakkanna ri tu Israel,

HAKING-HAKING 21:1

Ri wattunna a'rappungang tu Israel ri Mizpa, a'janjimi ke'nanga mae ri Batara angkanaya tena manna sitau battu ri ke'nanga langkellai ana' tulolonna nibaineang ri tu Benyamin.

1 SAMUEL 14:24

Anjo alloa lamma ngasemmi kalenna tu Israel napakamma cipuru', lanri le'baki assumpa Saul angkana, “Cilakai tau angnganrea manna apa-apa mamo anne alloa, punna tenapa nakubalasaki boli'-bolikku ri musungku.” Lanri kammana anjo, manna sitau tena nia' angnganre anjo alloa.

1 SAMUEL 14:28

Nampa nia'mo kalase'renna anjo tantaraya angkana ri ia, “Ikambe anne tena ngasemmo nikullei lanri cipurutta. Mingka le'ba'mi manggeta ansumpaki angkana ‘Cilakai tau angnganrea anne alloa.’ ”

1 SAMUEL 25:22

Tapporo Nabuno laloa' Allata'ala punna tena nakubuno ngaseng sikontu tu bura'ne niaka anjoreng lalang tenanapa nammumba alloa!”

1 SAMUEL 28:10

Nampa assumpamo Saul angkana, “Lanri arenNa Batara mattallasaka, a'janjia' angkanaya tena nalanihukkungko lanri nugaukanna anne.”