MATIUS 13:2 - KITTA' MATANGKASA'

² Jai sikali tau a'rappungang angkulilingi Isa. Lanri kammana a'lette'mi nai' ammempo Isa ri se'reang biseang. Na anjo tau jaia anjorengi ri biring tamparanga ammenteng.

MATIUS 13:2 Iomraidhean Croise

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

MATIUS 15:30

Jaimi tau ambattui. Nia' angngerang tau tempang, tau buta, tau peso', tau pepe, siagang a'rupa-rupa garring maraengang. Niboli'mi ri dallekanNa Isa yangasenna anjo tau garringa. Nampa Naballei Isa na'jari baji' ngaseng silalonna.

MATIUS 4:25

Jai sikalimi tau amminawang ri Isa anjo wattua. Nia' tu battu ri Galilea, tu battu ri Sampulo Kota, battu ri Yerusalem, tu battu ri Yudea, kammayatompa nia' todong tu battu ri pa'rasangang ba'leanna Binanga Yordan.

MARKUS 4:1

Angngajara'mi pole Isa ri biring Tamparang Galilea. Sanna' jaina tau battu allipungi. Jari nai'mi ammempo ri se'reang biseang attompo' ri je'ne'. Na anjo tau jaia anjoreng ngasengi ri biring tamparanga ammenteng.

LUKAS 5:3

Nai'mi Isa ri kalase'renna anjo biseanga, iamintu biseanna Simon. Nampa nasorong Simon anjo biseanga, assulukang sike'de' ri tamparanga. Ammempomi Isa ilalang ri anjo biseanga, nampa Naajara' anjo tau jaia.