MATIUS 11:2 - KITTA' MATANGKASA'

² Nalangngere'mi Yohanes, niaka lalang ri tarungkua, sikamma apa le'baka Nagaukang Isa Almasi. Nasuromi siapa are ana'-ana' gurunna mange akkuta'nang ri Isa angkana,

MATIUS 11:2 Iomraidhean Croise

MATIUS 1:17

Jari, punna nisusungi appakkaramula battu ri Abraham sa'genna Daud nia' sampulo angngappa' lapisi'na sossorang. Na punna nisusung battu ri Daud sa'genna ri wattunna nipela' bansa Israel mange ri butta Babel nia' todong sampulo angngappa' lapisi'na sossorang. Kammayatompa punna nisusung battu ri wattunna nipela' bansa Israel mange ri butta Babel sa'genna nilassukang Almasi nia' todong sampulo angngappa' lapisi'na sossorang.

MATIUS 14:3

Nasaba' le'baki pirangalloang nasuro jakkala' Herodes anjo Yohanes, nampa nasikko' na napantama' ri tarungkua. Passabakkang bainenna niarenga Herodias nanajakkala'. Na anjo Herodias, le'ba' bainenna sari'battanna iamintu niarenga Filipus, naalle nabuntingi Herodes.

MATIUS 4:12

Nalangngere'na Isa angkanaya nitarungkumi Yohanes, a'lampami alliliangi KalenNa mange ri Galilea.

MATIUS 9:14

Le'baki anjo battumi ana'-ana' gurunna Yohanes Paje'ne' mae ri Isa. Akkuta'nammi ke'nanga ri Isa angkana, “Angngapa natappuasaya Katte ana'-ana' gurunTa, na ikambe anne siagang tu Farisia appuasaki'?”

MARKUS 6:17

Nasaba' le'baki pirangalloang nasuro jakkala' Yohanes, na napantama' ri tarungkua. Ia passabakkanna iamintu passala' Herodias, bainenna tonji sari'battanna, iamintu Filipus. Nasaba' le'ba'mi nabuntingi Herodias,

LUKAS 3:19

Mingka napakainga'mi Herodes, ammarentaya ri Galilea ri passala' pa'buntinganna siagang Herodias. Anjo Herodias bainenna sari'battanna niarenga Filipus. Kammayatompa ri passala' kaja'dallang maraenga, le'baka nagaukang Herodes.

LUKAS 9:7

Ri wattunna nalangngere' Herodes, ammarentaya ri Galilea, sikamma anjo apa le'baka kajariang, a'jari lingumi. Nasaba' nia' tau angkana attallasa' poleammi ammotere' Yohanes Paje'ne'.

YOHANES 4:1

Nalangngere'mi tu Farisia angkanaya anje'ne' tongi tau Isa, siagang jaiangangi ana'-ana' guru nagappa kala Yohanes. (