MATIUS 10:5 - KITTA' MATANGKASA'

⁵ Le'baki anjo Nasuromi Isa anjo sampuloa anrua tu nisuroNa. Na Napasang angkana, “Teako a'lampai mange ri pantaranganna daerana tu Yahudia. Tea tongko mangei ri kota-kotana tu Samariaya.

MATIUS 10:5 Iomraidhean Croise

MATIUS 22:3

Nasuromi pala'-palayanna anjo Karaenga mange ambuntuli sikamma tau le'baka niburittai mae ri anjo passua'-suarranga. Mingka taerokai battu anjo sikamma tau le'baka niburittai.

MATIUS 4:15

“Butta Zebulon siagang Naftali Ri oloang mangea ri tamparanga, ba'leanna Binanga Yordan, Butta Galilea tanapammantangia tu Yahudi!

MARKUS 6:7

Nakio'mi anjo sampuloa anrua ana'-ana' gurunNa. Nampa Nasuro a'lampa ta'rua-rua. Nasaremi koasa ke'nanga sollanna akkulle nabongka roh-roh ja'dalaka.

LUKAS 10:1

Le'baki anjo Napileimi pole Isa tujupulo ana' gurunNa, nampa Nasuro ke'nanga a'lampa ta'rua-rua. Nasuroi ke'nanga a'lampa riolo mange ri kota-kota siagang sikamma tampa' eroka Nakunjungi.

LUKAS 10:33

Mingka ribokoanganna, nia'mo sitau tu Samaria sitabang a'jappa todong anjoreng ri aganga. Ri wattunna nacini' anjo taua tappalengang ri aganga, sanna'mi paccena nyawana lanri nakamaseanna anjo taua.

LUKAS 17:16

Nampa mange ri dallekanNa Isa, anynyomba appala' sukkuru' ri Isa. Anjo taua tau battu ri pa'rasangang Samaria.

LUKAS 9:1

Nakio'mi Isa sampuloa anrua ana' gurunNa. Nampa Nasare ke'nanga koasa untu' ambongkai setanga, siagang amballei tau garringa.

LUKAS 9:2

Le'baki anjo Nasuromi ke'nanga a'lampa amballei tau garringa siagang ambirittakangi ri passala' antekamma bateNa ammarenta Allata'ala salaku Karaeng.

YOHANES 17:18

Sangkamma KisuroKu antama' ri lino, kammaminjo naKusuro todong ke'nanga mange ri linoa.

YOHANES 20:21

Sikalipa pole Nakana Isa ri ke'nanga, “Salamakko siagang salewangang ngasengko. Sangkamma iNakke NasuroA' Manggea, sangkamma tomminjo naKusuro ngaseng tongko.”

YOHANES 4:20

Anrinni ri bontoa boe-boena ikambe anynyomba ri Allata'ala, mingka nakana bansaTa anjorenji bawang ri Yerusalem tampa'na taua anynyomba ri Allata'ala.”

YOHANES 4:5

Jari anrapi'mi Isa mange ri se'reang kota ri Samaria, iamintu niarenga kota Sikhar. Anjo kotaya tena nabella battu ri tampa' le'baka napassareang Yakub mae ri ana'na iamintu Yusuf.

YOHANES 4:9

Appialimi anjo baine battua ri Samaria angkana, “IKatte tu YahudiKi' tuang, na inakke tu Samaria; angngapa naKippala' je'ne' ri nakke?” (Nakkana kamma nasaba' tena passisambunganna tu Yahudia siagang tu battua ri Samaria.)

YOHANES 7:35

Nakana ngasemmo tukoasana tu Yahudia, massing para ia, “La'lampa kemaei anne taua nitakkullea ambuntuluKi? Apa eroKi a'lampa mange ri tu Yahudi pantarang pa'rasanganga, ri pa'rasanganna tu Yunania, naero' Naajara' tu Yunania?

YOHANES 8:48

Appialimi anjo tu Yahudia ri Isa angkana, “Sai kammatojengi kananna ikambe angkanaya ikau mintu tu Samaria nasosoka setang?”

LAMPA-LAMPANA 1:8

Mingka punna battumo RohNa Allata'ala mange ri kau, langgappa mako koasa. Na la'jari mako sa'bingKu ri Yerusalem, ri sikontu Yudea, ri Samaria, sa'genna ri cappa'na linoa.”

LAMPA-LAMPANA 10:45

Sikamma tu Yahudi tappakamo ri Isa, anjo niaka amminawang ri Petrus battu ri Yope, a'jari lannasa' ngasemmi anciniki anjo apa kajarianga. Lannasa' ngasengi ke'nanga anciniki nasaba' Napassareang tongi RohNa Allata'ala mae ri bansa maraenga, pantaranganna bansa Yahudia.

LAMPA-LAMPANA 8:1

Na sannang todong nyawana Saulus ri nibunonamo Stefanus. Iatommi anjo alloa nappakkaramulamo niondang mange-mange jama'aka ri Yerusalem. Sa'genna tassia'-siara'mo sikamma tau tappaka ri sikontu daera Yudea siagang Samaria. TunisuroNa mami Allata'ala tena natassia'-siara'.

1 TESALONIKA 2:16

Ba'lalo nahalang-halangimi ikambe untu' ambirittakangi mae ri bansa-bansa maraenga anjo biritta akkullea ampasalamaki ke'nanga. Lanri kammana, anjo tu Yahudia pila' tuli natambaimi dosa-dosana, sa'genna a'jari sukku'mo jaina dosana ke'nanga. Nakala'busanna, kamma-kamma anne nitujumi ke'nanga ri pangngalarroiNa Allata'ala.