MATIUS 10:3 - KITTA' MATANGKASA'

³ Nampa Filipus siagang Bartolomeus, Tomas siagang Matius pasingara' simaya; kammayatompa Yakobus ana'na Alfeus, siagang Tadeus;

MATIUS 10:3 Iomraidhean Croise

MATIUS 18:17

Punna tena ija napilangngeri pappakainga'na anjo siapaya tau, nampami nipau mange ri jama'aka. Kale'bakkanna, punna tena ijapa naero' ampilangngeri pappakainga'na jama'aka, pasangkammami pasingara' sima siagang tau kapere' anjo taua siagang tau tena natappa' ri Allata'ala.”

MATIUS 27:56

Nia' tommi anjoreng Maria Magdalena, Maria amma'na Yakobus siagang Yusuf, kammayatompa anrong ana'-ana'na Zebedeus.

MATIUS 9:9

Le'baki anjo a'lampami Isa ambokoi anjo tampaka. Lalang a'jappaNa, nia'mo Nacini' sitau pasingara' sima niarenga Matius, sitabang ammempo lalang ri kantoro'na. Nakanamo Isa ri ia, “Maeko amminawang ri Nakke!” Ammentemmi Matius nampa amminawang ri Isa.

MARKUS 15:40

Nia' todong siapa are bai'-baine ancini' battu bellai anjo sikamma apa kajarianga. Niaki Salome, Maria Magdalena, siagang Maria amma'na Yakobus loloa, kammayatompa Yoses.

MARKUS 2:14

Lalang a'jappaNa Isa anjoreng, nia'mo Nacini' pasingara' sima niarenga Lewi, ana'na Alfeus. Sitabangi ammempo lalang ri kantoro' simaya. Nakanamo Isa ri ia, “Amminawangko ri Nakke.” Ammentemmi Lewi nampa amminawang ri Isa.

MARKUS 3:18

Andreas, Filipus, Bartolomeus, Matius, Tomas, Yakobus ana'na Alfeus, Tadeus, Simon nigallaraka Patriot,

LUKAS 18:10

Nakana Isa, “Nia' rua tau a'lampa mange ri Balla'Na Batara appala' doang. Anjo se'rea tu Farisi, na anjo se'rea pole pasingara' sima.

LUKAS 18:11

Anjo tu Farisia akkale-kalemi ammenteng nampa appala' doang lalang ri atinna nakana, ‘O, Allata'ala, appala' sukkurukka' mae ri Katte, lanri tena kusangkamma tau maraenga; tena kusangkamma tau angngoaya, tau jekkonga, yareka tau a'gau' bawanga. Appala' sukkurukka', lanri tena kusangkamma anjo pasingara' simaya.

LUKAS 18:13

Mingka anjo pasingara' simaya bellai ammenteng siagang tena nabarani acconga nai' ri langika. Napurusu'mi barambanna na nakana, ‘O, Allata'ala, Kikamaseanga', anne inakke tau dorakaya!’ ”

LUKAS 19:2

Anjoreng ri kotaya nia' sitau kapala pasingara' sima, sannaka kalumanynyanna, niarenga Zakheus.

LUKAS 5:27

Le'baki anjo assulu'mi Isa. Nia'mo Nacini' sitau pasingara' sima, niarenga Lewi, sitabang ammempo lalang ri kantoro'na. Nakanamo Isa ri ia, “Amminawangko ri Nakke.”

YOHANES 1:48

Akkuta'nammi Natanael ri Isa, nakana, “Antekamma nakkullea' Kiasseng Bapa'?” Appialimi Isa Nakana, “Tenapa nanakiokko Filipus, naKucini'mako irawanganna poko' araya.”

YOHANES 11:16

Nakanamo Tomas, nigallaraka “I Kambara'” mae ri agang-aganna ana' gurunNa Isa, “Umba kimminawang, boli'mi kamma nakisikamateang siagang Ia!”

YOHANES 14:22

Akkuta'nammi Yudas (teai Yudas Iskariot) ri Isa nakana, “O Batara, angngapa naKiero' ampa'nyatai KalenTa ri kambe anne, mingka tena Kipa'nyatai KalenTa mae ri linoa?”

YOHANES 14:5

Nakanamo Tomas ri Isa, “O Batara, tanaassengai ikambe angkana la'lampa kemaeKi', jari antekamma lakkulle niasseng oloanga?”

YOHANES 14:9

Mingka appialimi Isa Nakana, “Teaimi sipato' salloKu nia' ri tangnga-tangnganu, mingka tenapa nanuassengA' Filipus? Inai-nai le'ba'mo ancinikKa', nacini' tommi antu Manggea. Apa saba'na nukkulle angkana, ‘Kipicinikiang sai bedeng ikambe anjo Manggea?’

YOHANES 21:2

Nia' se're allo na'rappungang Simon Petrus, Tomas nigallaraka i Kambara', Natanael battua ri Kana ri Galilea, ana'-ana'na Zebedeus, siagang rua ana' gurunNa Isa maraenganga.

LAMPA-LAMPANA 1:13

Ri wattunna battu ke'nanga mange ri Yerusalem, mangemi ke'nanga ri balla' napannumpangia ke'nanga, nampa nai' ke'nanga ri kamara' ratea ri lotenga. Anjo sikamma tunisuroa iamintu Petrus, Yohanes, Yakobus, Andreas, Filipus, Tomas, Bartolomeus, Matius, Yakobus ana'naya Alfeus, Simon nigallaraka Patriot, na Yudas ana'naya Yakobus.

LAMPA-LAMPANA 12:17

Nikodemi siagang lima ke'nanga ri Petrus, sollanna sannang ke'nanga. Nampa nacarita antekamma bateNa Batara angngerangi assulu' ri tarungkua. Nampa nakana, “Pabattumi anne kabaraka mae ri Yakobus siagang sikamma sari'battang maraengannaya.” Le'baki anjo, a'lampami Petrus ambokoi anjo tampaka, nampa mange ri tampa' maraenga.

LAMPA-LAMPANA 15:13

Le'baki ke'nanga a'bicara, nakanamo Yakobus, “Sikamma sari'battangku! Pilangngeri sai anne kanangku.

LAMPA-LAMPANA 21:18

Ammukona, a'lampa maki' siagang Paulus mange angkunjungi Yakobus; nia' ngaseng tongi pamimping-pamimping jama'aka anjoreng.

GALATIA 1:19

Tena nakusigappa siagang sikamma suro maraenganga, pantaranganna Yakobus, sari'battanNaya Batara.

GALATIA 2:9

Anjo Yakobus, Petrus, siagang Yohanes a'jari pamimpinga mae ri jama'ah-jama'aka; namangakui ke'nanga angkana ma'nassa Allata'ala assarea' anne jama-jamang matangkasaka. Jari assijamakkimi ke'nanga siagang Barnabas, na inakkemi a'jari pammateina anjo passari'battanganga. Nampa assamaturu' ngasemmo ke'nanga siagang ikambe angkanaya ikambemi lanjama ri tangnga-tangngana bansa-bansa maraenga, na ke'nanga lanjama ri tangnga-tangngana bansa Yahudia.

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;