MATIUS 10:16 - KITTA' MATANGKASA'

¹⁶ “Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 10:16 Iomraidhean Croise

PA'JARIANG 3:1

Ia ularaka iami kaminang cara'de' ri sikontu olo'-olo' Napareka Karaeng Allata'ala. Akkuta'nangi anjo ularaka mae ri anjo bainea angkana, “Apaka ma'nassa tena tojeng Nakellaiko Allata'ala angkanrei anne sikontu rappo-rappo niaka ri kokoa?”

PA'JARIANG 3:13

Akkuta'nammi Karaeng Allata'ala ri anjo bainea angkana, “Angngapa nugaukangi anjo kammaya?” Appialimi angkana, “Nitipua' ri ularaka, sa'genna kukanre anjo rappoa.”

NEHEMIA 4:13

Lanri kammana, kubage-bageimi ra'yaka pa'dang, poke, siagang pana, nampa kuatoro' tampa'na ke'nanga manuru' massing golongang bijanna ke'nanga anjoreng ri bokona temboka, iamintu tembo'-tembo' tenayapa nale'ba' nipakabaji'.

YEREMIA 40:16

Mingka appiali Gedalya angkana, “Teako! Anjo kanannu ri passala'na Ismael tena natojeng!”

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

MATIUS 24:25

Jari, u'rangi memangi! Kupauang mako anne la'bi riolo ri tenanapa nakajariang.

MATIUS 24:45

Nakanamo pole Isa, “Punna kamma, maka kereanga palayang tuli bajika siagang cara'deka? Iami niangka' ri karaenna a'jari kapala mae ri palayang-palayang maraenga, sollanna nasare ke'nanga kanre punna narapi' wattunna.

MATIUS 25:2

Nia' lima ri ke'nanga tolo, na lima maraengannaya cara'deki.

MATIUS 25:4

Anjo tulolo cara'deka, angngerangi sulo nangngerang todong minynya' tana pappasadia.

MATIUS 25:9

Appialimi anjo tulolo cara'deka angkana, ‘Takkulleai! Nasaba' kala'busang ngasengki' sallang minynya'. A'lampamako ammalli ri ga'dea.’

LUKAS 10:3

Jari a'lampa ngaseng mako! Sanrapangko gimbalaka Kusuro antama' ri tangnga-tangngana kongkong romanga.

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

LAMPA-LAMPANA 20:29

Punna a'lampa' sallang, ma'nassa laniaki battu kongkong romang nye'nyereka ri tangnga-tangnganu. Na anjo tau nujagaia la'jarimi sanrapang kanre-kanrena anjo kongkong romang nye'nyereka.

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

2 KORINTUS 11:14

Takkulleaki' lannasa' punna appakamma anjo ke'nanga, nasaba' manna Billisika ammakeang kamma tonji malaeka' singaraka!

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

2 KORINTUS 8:20

Parallui tutu ikambe ri passala'na anne sumbanganga. Sollanna tenanniakka tau ampasalai ikambe ri nipabattuna anne sumbangang jai kammaya.

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

KOLOSE 1:9

Iaminjo saba'na nakituli ampappala' doangangko appakkaramula ri nilangngere'na kabara'nu. Kipalaki mae ri Allata'ala sollannu Nasare RohNa Allata'ala kacara'dekang siagang pangngassengang sollanna nupahang baji' apa Nakaerokia Allata'ala.

KOLOSE 4:5

Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.

1 TESALONIKA 2:10

Matangkasaki, tojengi, siagang tena callanna katallassanna ikambe mae ri kau ngaseng, ikau matappakamo mae ri Almasi. Ikau ngasemmi siagang Allata'ala, a'jari sa'bina ikambe.

1 TESALONIKA 5:22

Pakabellai kalennu battu ri sangka' rupaya kaja'dallang.