MATIUS 1:21 - KITTA' MATANGKASA'

²¹ Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

MATIUS 1:21 Iomraidhean Croise

PA'JARIANG 17:19

Mingka Nakanamo Allata'ala, “Tena. Anjo bainennu Sara lamanaki sitau ana' bura'ne na lanuareng Ishak. LaKuta'gala' majarreki parjanjiangKu siagang anjo anaka siagang sikontu turunganna sa'genna satunggu-tungguna. Anjo Parjanjianga sa'gennai satunggu-tungguna.

PA'JARIANG 17:21

Mingka parjanjiangKu siagang Ishak laKusikko' majarreki. Ia ana'nu lanilassukanga ri Sara, ri taung ri dallekang kira-kira ri wattu kammaya anne.”

PA'JARIANG 18:10

Nakanamo kalase'renna ke'nanga, “Salapang bulang sallang sallona nakulammotere' pole mae anrinni. Na anjo wattua, anjo bainennu Sara langgappami sitau ana' bura'ne.” Anjo wattua niaki Sara ampilangngeri bicaranna ke'nanga ri pakke'bu' kemaya, ri bokona anjo toanaya.

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

YEREMIA 33:16

Tu Yehuda siagang pandudu'na Yerusalem lanipasalamaki siagang laamangi lalang tallasa'na. Kota Yerusalem laniarengi ‘Batara Tumappasalamatta’.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

MATIUS 1:25

Mingka lalang tenanapa nalassukangi Maria anjo anaka, tenapa nale'ba' sikatinroang Yusuf siagang Maria. Na wattunna lassu'mo anjo anaka, nisaremi areng Isa ri Yusuf.

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

LUKAS 1:31

Latianangko, siagang lammanakko sitau ana' bura'ne, na musti nuarengi Isa.

LUKAS 2:11

Anne kamma, ri kota kalassukanna Daud, lassu'mi Karaeng Mappasalama'nu iamintu Almasi.

LUKAS 2:21

Narapiki sagantuju allo umuru'na, nisunna'mi anjo anaka. Nampa nisare areng ri ke'nanga Isa. Iaminjo areng le'baka napassareang malaekaka, ri wattu tenanapa na nitianangangi ri amma'Na.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YOHANES 4:42

Nakanamo ke'nanga ri anjo bainea, “Tappa' ngaseng maki' anne, mingka teai lanri apa nupaua bawang ri kambe; mingka lanri kalennami ikambe allangngereki, naniassemmo angkanaya Ia memang tommi Karaeng Mappasalama'na anne linoa.”

LAMPA-LAMPANA 13:23

Battu ri sossorannami anjo Daud, Napasadia Allata'ala sitau Karaeng Mappasalama'na bansa Israelka, situru' apa le'baka Napa'janjiang riolo. Na iaminjo Isa Karaeng Mappasalama' le'baka nipa'janjiang.

LAMPA-LAMPANA 3:26

Iaminjo saba'na naNapattantumo Ana'Na Nasuro rolong battu mae ri kau, sollanna naNabarakkakiko. Ia bateNa ambarakkakiko, iamintu Napa'jari tobakko battu ri kaja'dallanga lalang ri katallassannu.”

LAMPA-LAMPANA 4:12

Lalang bawang ri Isa nakkulle nipasalama' rupataua. Nasaba' ri sikontu anne linoa, tenanniakka se're tau le'ba' nisare koasa ri Allata'ala untu' ampasalamakki', pantaranganna Isa Almasi.”

LAMPA-LAMPANA 5:31

Siagang nisaremi ri Allata'ala empoang siagang kakoasang matinggi, a'jari Pamimping siagang Mappasalamaka; sollanna nisare kasampatang bansa Israel untu' a'jari toba' battu ri dosa-dosana na nipammopporang.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

IBRANI 7:25

Lanri kammanami anjo nakkulle Isa sa'genna satunggu-tungguna ampasalamaki sikontu tau battua mae ri Allata'ala tete ri KalenNa; nasaba' attallasaki satunggu-tungguna sollanna akkulle Napappala'-palakkang sikamma anjo taua mae ri Allata'ala.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

1 YOHANES 3:5

Nuassengi angkanaya battui Almasi untu' antangkasi dosa-dosana rupataua, siagang angkanaya tena dosa lalang ri KalenNa.

PAPPICINI' 7:14

Appialima' angkana, “Takuassengai Karaeng. KalenTaji antu angngassengi.” Jari nakanamo pole mae ri nakke, “Yangasemmi anne tau le'baka nipasalama' battu lalang ri passessa sannaka heba'na. Le'ba'mi nasassa jubana ke'nanga siagang cera'Na anjo Ana' Gimbalaka sa'genna a'jari kebo'.

HAKING-HAKING 13:3

Mingka ri se'reang allo nia'mo malaeka'Na Batara ampappicinikangi kalenna mae ri ia. Nakanamo anjo malaekaka ri ia, “Anne siapaya sallona tena nukkulle anggappa ana'. Mingka tenamo nasallo nulatianang, nunggappa sitau ana' bura'ne.

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”