LUKAS 9:7 - KITTA' MATANGKASA'

⁷ Ri wattunna nalangngere' Herodes, ammarentaya ri Galilea, sikamma anjo apa le'baka kajariang, a'jari lingumi. Nasaba' nia' tau angkana attallasa' poleammi ammotere' Yohanes Paje'ne'.

LUKAS 9:7 Iomraidhean Croise

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

YESAYA 22:5

Memang, KalenNa Batara Kaminang Tinggia siagang Kaminang Makoasaya le'ba' ampattantui anne alloa a'jari allo karicuang, kagegerang, siagang pa'beserang ri Ka'bung Paccinikang. Sikamma tembo'na kotaya lanirumbangi. Kemae-kemae nia' kalangngerang sa'ra ammarrang appala' tulung ri buluka.

MIKHA 7:4

Manna kaminang bajika siagang kaminang lambusuka battu ri ke'nanga kontumi romang akkatinting tenaya matu-matunna. Narapi'mi wattunna Allata'ala anghukkungi umma'Na sangkamma le'baka Napappakaingakkang mae ri ke'nanga tete ri na'bi-na'bia. Kamma-kamma anne ammumbami karicuanga ri alla'na ke'nanga.

MATIUS 11:2

Nalangngere'mi Yohanes, niaka lalang ri tarungkua, sikamma apa le'baka Nagaukang Isa Almasi. Nasuromi siapa are ana'-ana' gurunna mange akkuta'nang ri Isa angkana,

MARKUS 8:28

Appialimi ke'nanga angkana, “Nia' angkana Yohanes Paje'ne'; nia' todong angkana Elia; na maraenganga angkana: kalase'renna na'bia.”

LUKAS 13:31

Anjo todong wattua, nia'mo siapa are tu Farisi battu mae ri Isa na nakana, “TeaKo ammantangngi anrinni! A'lampaKo mange ri tampa' maraenga, nasaba' eroki Herodes ambunoKo.”

LUKAS 21:25

“Lania' sallang pammatei irate ri alloa, ri bulanga, siagang ri bintoeng-bintoenga. Lamallaki siagang lalingui bansa-bansaya ri lino, andallekangi anging lompona siagang bombanna tamparanga.

LUKAS 23:7

Le'ba'na nipauang ri ke'nanga angkanaya tau battui ri Galilea anjo Isa, iamintu daera kakoasanna Herodes, nikirimmi Isa ri Pilatus mae ri Herodes. Anjo wattua nia' tongi Herodes ri Yerusalem.

LUKAS 3:1

Ri taung makasampuloa allima ammarenta Karaeng Tiberius, Pontius Pilatus a'jari guburnur ri Yudea; na Herodes ammarenta ri Galilea; na Filipus, sari'battanna Herodes, ammarenta ri Iturea siagang Trakhonitis; na Lisanias ammarenta ri Abilene.

LUKAS 9:19

Appialimi ke'nanga angkana, “Nia' tau angkana Yohanes Paje'ne'. Nia' todong tau angkana Elia. Na maraenganga nakana kalase'renna na'bi jammang rioloa, attallasa' poleanga ammotere'.”