LUKAS 9:59 - KITTA' MATANGKASA'

⁵⁹ Nampa Nakana Isa ri se'reang tau maraengannaya, “Amminawang mako ri Nakke.” Mingka nakanamo anjo taua, “Pa', boli'ma' kamma ammotere' rolong antarawangi manggeku matea.”

LUKAS 9:59 Iomraidhean Croise

1 KARAENG-KARAENG 19:20

Jari nabokoimi sapina Elisa nampa lari angngondangi Elia, siagang nakana, “Kipa'bianga' rolong mange appala' kana ri tau toaku, nampa kulamminawang ri katte.” Appialimi Elia angkana, “Baji'mi, mange mako; tena nakupisangkaiko.”

HAGAI 1:2

Nakana Batara Kaminang Koasaya mae ri Hagai, “Anne bansaya nakana teaipi wattunna untu' ambangungi ammotere' BallakKu.”

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

MATIUS 9:9

Le'baki anjo a'lampami Isa ambokoi anjo tampaka. Lalang a'jappaNa, nia'mo Nacini' sitau pasingara' sima niarenga Matius, sitabang ammempo lalang ri kantoro'na. Nakanamo Isa ri ia, “Maeko amminawang ri Nakke!” Ammentemmi Matius nampa amminawang ri Isa.

LUKAS 9:60

Appialimi Isa Nakana, “Lappassammi tau matea antarawangi tau matena. Mingka ikau, a'lampamako siagang pa'la'bammi birittaya, angkanaya appakkaramulami Allata'ala ammarenta.”