Biblia Todo Logo
Bìoball air-loidhne

- Sanasan -




LUKAS 9:45 - KITTA' MATANGKASA'

45 Mingka tanapahangai ana'-ana' gurunNa anjo Nabicaraya Isa. Nirahasiakangi anjo passalaka mae ri ke'nanga sollanna tena napahangi ke'nanga. Mingka mallaki ke'nanga ampakkuta'nangangi anjo passalaka mae ri Isa.

Faic an caibideil Dèan lethbhreac




LUKAS 9:45
15 Iomraidhean Croise  

Nibeso'mi Isa ri Petrus mae ri sa'ri nampa nipauang angkana, “Tapporo Napakabella laloi Allata'ala ri Katte anjo kammaya, Batara! Poro tena lalo nakajariang anjo kammaya ri Katte Batara!”


Ri wattunna a'rappungang ana'-ana' gurunNa Isa ri Galilea, angkanami Isa ri ke'nanga, “Tenamo nasallo nanipassareammo Ana' Ma'rupataua mae ri kakoasanna rupataua.


Napilangngerimi ke'nanga anjo pappasanga. Mingka appakkaramulami nabicara para ia ke'nanga apa battuanna anjo kananNa Isa angkanaya, “attallasa' poleangi battu ri kamateanga.”


Tanapahangai ana'-ana' gurunNa Isa anjo apa Napangngajaranga, mingka mallaki ke'nanga akkuta'nang ri Ia.


Mingka manna sike'de' tanapahangai ana'-ana' gurunNa anjo Nabicaraya Isa. Na Narahasiakang Isa battuanna anjo kana-kana Napabattua ri ke'nanga. Tanapahangai ke'nanga angkanaya passala' apa anjo Nabicaraya Isa.


Mingka tanapahangai ke'nanga battuanna anjo pappialinNa Isa.


A'gea'-gea'mi ana'-ana' gurunNa Isa ri passala' inai ri ke'nanga kaminang la'biri'.


Anjo wattua tanaassengapi ana'-ana' gurunNa Isa angkanaya apa ngaseng battuanna anjo kammaya. (Mingka ri wattunna nipakala'biri'mo Isa battu ri kamateanNa, nampami nau'rangi ke'nanga angkanaya anjo apa le'baka nagaukang taua ri Isa le'ba' memammi tattulisi' lalang ri Kittaka anjo apa kajarianga ri Ia.)


Nakanamo anjo tau jaia ri Ia, “Manuru' Kitta' Hukkung niaka ri kambe, anjo Karaeng Mappasalamaka lattallasaki sa'genna satunggu-tungguna. Antekamma Nukkulle angkana musti nipakatinggi anjo Ana' Ma'rupataua ri lino? Inaika anjo Ana' Ma'rupataua?”


Nakanamo Tomas ri Isa, “O Batara, tanaassengai ikambe angkana la'lampa kemaeKi', jari antekamma lakkulle niasseng oloanga?”


Massing sikuta'nammi ana'-ana' gurunNa Isa angkana, “Apa nia' tau le'ba' ampangngerangangi kanre?”


Lean sinn:

Sanasan


Sanasan