LUKAS 9:44 - KITTA' MATANGKASA'

⁴⁴ “Pilangngeri baji'-baji', siagang teako kaluppai anne kana-kanangKu: Lanipassareangi Ana' Ma'rupataua mae ri koasana rupataua.”

LUKAS 9:44 Iomraidhean Croise

2 SAMUEL 24:14

Appialimi Daud angkana, “O, dende'! Ballasa'ma' inakke! Mingka bajikangngang mami Batara anghukkung ngasengki' kala rupa tau langhukkunga'; nasaba' Batara lompo pangngamaseangi.”

MATIUS 16:21

Anjo wattua appakkaramulami a'bicara silambusu'na Isa mae ri ana'-ana' gurunNa, angkanaya takkulleai ta'lampa mange ri Yerusalem angkasiaki passessa jaia. Iamintu passessa battua ri pingga'-pinggawana tu Yahudia, imang-imang kapalaya, kammayatompa guru-guru agamaya. Lanibunoi, mingka lanipattallasa' poleangi battu ri kamateanga ri makatalluna alloa!

MATIUS 26:2

“Nuassemmi angkanaya ruangallo mami naallo Lompo Paska, nalaniallemi nipassareang Ana' Ma'rupataua nampa nisalli'!”

MARKUS 8:31

Le'baki anjo, appakkaramulami Naajara' Isa ana'-ana' gurunNa angkanaya, musti jai passessa laNagappa Ana' Ma'rupataua. Siagang lanimusui ri pamimping-pamimpinga, ri imang-imang kapalaya, kammayatompa guru-guru agamaya. Lanibunoi, mingka ri makatalluna alloa lattallasa' poleangi.

MARKUS 9:31

nasaba' sitabangi Naajara' ana'-ana' gurunNa, “Lanipassareangi Ana' Ma'rupataua mae ri koasana tu linoa, nampa nibuno; mingka ri makatalluna alloa lattallasa' poleangi!” Kammaminjo kananNa Isa.

LUKAS 1:66

Akkuta'nang ngasemmi lalang ri atinna sikontu tau allangngerekai anjo kabaraka angkana, “La'jari apai anjo anaka sallang?” Nasaba' nirurungangi ri Batara anjo anaka.

LUKAS 18:31

Napa'rappungammi Isa ana'-ana' gurunNa ri tampa' anynya'laka. Nampa Nakana ri ke'nanga, “Pilangngeri! Kamma-kamma anne a'lampaki' mange ri kota Yerusalem. Anjoreng lakajariammi sikamma apa le'baka natulisi' na'bi-na'bia ri passala'na Ana' Ma'rupataua.

LUKAS 2:19

Mingka napariatimi siagang nanawa-nawami Maria sikamma anjo passalaka.

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

LUKAS 9:22

Nakana pole Isa, “Lajai memang tongi passessa laNakasia' Ana' Ma'rupataua, siagang lanimusui ri pamimping-pamimpinga siagang imang-imang kapalaya, kammayatompa guru-guru agamaya. Lanibunoi, mingka ri makatalluna alloa lanipabangung poleangi ammotere'.”

YOHANES 16:31

Appialimi Isa ri ke'nanga, angkana, “Jari tappa' mako kamma-kamma anne?

YOHANES 16:4

Mingka kamma-kamma anne Kupaumi anjo passalaka mae ri kau, sollanna punna kajariammo sallang, akkullei nuu'rangi angkanaya le'ba' memang mako Kupauang.” “Tena naKupauang memangko anne passalaka battu ri uru-uruna, nasaba' nia' ijA' anrurungangko.

YOHANES 19:11

Appialimi Isa Nakana, “Punna taNasareako' Allata'ala anjo koasanu, tena sikali koasanu mae ri Nakke. Lanri kammana, lompoangangi dosana tau ampassareangai KalengKu mae ri kau, kala ikau.”

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

IBRANI 2:1

Iaminjo saba'na kimusti la'bi attojeng-tojeng anna'gala' jarre' mae ri sikontu pangngajarang le'baka nilangngere' battu ri Allata'ala, sollanna tena nanibokoi katappakkanta.