LUKAS 9:40 - KITTA' MATANGKASA'

⁴⁰ Le'ba'mi kupala' ri ana'-ana' gurunTa sollanna nabongkai assulu' anjo roh ja'dalaka, mingka tanakulleai ke'nanga.”

LUKAS 9:40 Iomraidhean Croise

2 KARAENG-KARAENG 4:31

A'lampa riolomi Gehazi ri dallekanna ke'nanga untu' ampadongkoki takkanna Elisa ri kalenna anjo anaka, mingka tena sikali sa'ra yareka pammatei maraengannaya angkanaya attallasaki anjo anaka. Nampa a'lampamo Gehazi ambuntuli Elisa na nakana, “Tena nambangung anjo anaka.”

MATIUS 17:20

Appialimi Isa Nakana, “Nasaba' kurang tappa' ngasengko. U'rangi! Punna nia' tappa'nu manna sillompoja lisere' kaminang ca'di dudua, akkulleko angkana mae ri anne buluka, ‘A'lettekko anrinni mange anjoreng!’ ma'nassa tena ta'lette'na anne buluka. Jari tena takkulle nugaukang punna tappakko! [

LUKAS 9:1

Nakio'mi Isa sampuloa anrua ana' gurunNa. Nampa Nasare ke'nanga koasa untu' ambongkai setanga, siagang amballei tau garringa.

LUKAS 9:39

Kapunna nipantamakki ri roh ja'dalaka, ti'ring ammarrang-marrammi, siagang ka'doro'mi kalenna nampa a'busa bawana. Sanna' nisessana ri anjo roh ja'dalaka, siagang taerokai anjo roh ja'dalaka assulu' battu ri kalenna!

LUKAS 9:41

Appialimi Isa Nakana, “Teai ngasengko sipato' anne! Ma'nassa tau sala oloang ngasengko siagang tau tena ngaseng nutappa'! Siapapi salloKu lammantang angngagangko siagang lasa'bara' ri kau ngaseng? Erangi mae antu anaka!”