LUKAS 9:39 - KITTA' MATANGKASA'

³⁹ Kapunna nipantamakki ri roh ja'dalaka, ti'ring ammarrang-marrammi, siagang ka'doro'mi kalenna nampa a'busa bawana. Sanna' nisessana ri anjo roh ja'dalaka, siagang taerokai anjo roh ja'dalaka assulu' battu ri kalenna!

LUKAS 9:39 Iomraidhean Croise

MARKUS 9:18

Punna nibattuiseng ri roh ja'dalaka, napatappa'-tappasaki kalenna naung ri buttaya, nampa a'busa bawana, a'rekuki giginna siagang ka'doro' ngasengi kalenna. Kupalaki ri ana'-ana' gurunTa sollanna nabongka assulu' anjo roh ja'dalaka, mingka tanakulleai ke'nanga.”

MARKUS 9:20

Naerammi ke'nanga anjo anaka mae ri Isa. Nacini'na roh ja'dalaka Isa, napa'jari ka'doro'mi kalenna anjo anaka, sa'genna tu'guru' anjo anaka anggulung-gulung ri buttaya. A'busai bawana.

MARKUS 9:26

Ammarrammi anjo roh ja'dalaka, nampa napa'jari ka'doro' kalenna anjo anaka, nampa assulu'. A'jari pi'lasa'mi anjo anaka, sangkamma maya' nicini', sa'genna nakana ngaseng taua, “Matemi!”

LUKAS 4:35

Naga'gara'mi Isa anjo setanga Nakana, “A'merekko! Assulukko battu ri antu taua!” Nipatappasa'mi anjo taua ri anjo setanga ri dallekanna ngaseng ke'nanga. Nampa assulu' baji'-baji' anjo setanga battu ri anjo taua.

LUKAS 8:29

Nakkana kamma anjo taua, lanri Nabongkai Isa assulu' anjo setanga battu ri kalenna anjo taua. A'mole-molemi nipantamakki ri anjo setanga, sa'genna manna nisikko' ngaseng rante limanna siagang bangkenna, siagang sanna' nijagaina, mingka tuli natappu'-tappu'ji anjo rantea, nampa nierang ri setanga mange ri parang lompoa.

LUKAS 9:38

Nia'mo sitau bura'ne akkio' battu ri tangnga-tangngana anjo tau jaia nakana, “Pa' Guru, Kitulunga', naKimange anciniki ana' sitau-tauku!

LUKAS 9:40

Le'ba'mi kupala' ri ana'-ana' gurunTa sollanna nabongkai assulu' anjo roh ja'dalaka, mingka tanakulleai ke'nanga.”

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

PAPPICINI' 9:11

Nia' karaenna, amparentayai ke'nanga; na anjo karaenna ke'nanga iamintu malaeka' anjagayai tubiri'na kamateanga. Arenna ilalang bicara Ibrani iamintu Abadon; na lalang bicara Yunanina iamintu Apolion (battuanna “Pammanrakia”).