LUKAS 9:33 - KITTA' MATANGKASA'

³³ Ri wattunna la'lampamo anjo tau ruaya ambokoi Isa, angkanami Petrus ri Isa, “Pa' Guru, baji' sikali nisa'ring pakkasiaka anrinni. Bajiki punna apparekki' kema: se're untu' iKatte, se're untu' Musa, na se're untu' Elia.” (Kammaminjo kananna Petrus, mingka tanapahangai anjo apa napaua.)

LUKAS 9:33 Iomraidhean Croise

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

PAMMUJI 73:28

Mingka untu' inakke tamaka baji'na ma'reppeseka mae ri Allata'ala, Karaeng Allata'ala kupa'jari tampa' pa'la'langangku, sollanna akkulle kukabarrang sikontu panggaukanNa.

MATIUS 17:14

Ri wattunna ammotere' ke'nanga mange anjoreng ri tau jaia, nia'mo sitau bura'ne battu su'ju' ri dallekanNa Isa.

MATIUS 17:4

Nakanamo Petrus ri Isa, “Baji' sikali nikasia' ammantanga anrinni. Punna Kingai, Batara, erokka' appare' tallu balla' pammantangang anrinni: se're pammantanganTa, se're pammantanganna Musa, na se're pammantanganna Elia.”

MARKUS 10:38

Nakanamo Isa ri ke'nanga, “Tanuassengai antu apa nupalaka. Maka lanukulleji angnginung battu ri pangnginungang rassia passessa, laKuinunga? Siagang maka lanukulleji antama' ri pammantangang jaia passessa, laKupantamakkia?”

LUKAS 5:5

Appialimi Simon nakana, “O Bapa' Guru, sipattangmaki' bujuru' anjama terasa', mingka manna sikayu tania' juku' nigappa. Mingka lanri Kipassuroangi, baji'mi nakumange pole a'jala.”

LUKAS 9:34

Lalang a'bicarana ija Petrus, nia'mo battu rammang antongkoki ke'nanga, sa'genna malla'mo ke'nanga.

LUKAS 9:49

Nakanamo Yohanes, “Tuang, nia' nacini' ikambe tau ambongkai setanga, na arenTa napake. Jari kupisangkaimi, nasaba' teai tu battu ri kumpulanta.”

YOHANES 14:8

Nakanamo Filipus ri Isa, “O Batara, Kipicinikiang sai bedeng ikambe anjo Manggea, sollanna sukku' pa'mai'na ikambe.”

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.