LUKAS 9:3 - KITTA' MATANGKASA'

³ Nakanamo Isa ri ke'nanga, “Teako angngerangngi apa-apa lalang ri pa'lampannu. Teako angngerangngi takkang, yareka purukang pammoneang passidakka, yareka kanre, yareka doe', yareka ruanglawara' pakeang.

LUKAS 9:3 Iomraidhean Croise

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

MARKUS 6:7

Nakio'mi anjo sampuloa anrua ana'-ana' gurunNa. Nampa Nasuro a'lampa ta'rua-rua. Nasaremi koasa ke'nanga sollanna akkulle nabongka roh-roh ja'dalaka.

LUKAS 12:22

Nampa Nakana Isa ri ana'-ana' gurunNa, “Lanri kammana minjo naKukana, ‘Teako ranggaselai ri passala'na katallassannu, iamintu ri passala' lanukanrea, yareka ri passala' apa lanupake.’

LUKAS 12:28

Kammayatompa anjo rukuka ri paranga; anne alloa nattimbo, nammuko lanitunumi sa'genna cappu'. Mingka nimodei tonji anjo rukuka ri Allata'ala, a'jari sanna' ga'gana. La'biampa pole ikau! Mingka kurang tappa' ngasengko!

LUKAS 22:35

Le'baki anjo Nakanamo Isa ri ke'nanga, “Pirangalloang, ri wattunnu Kusuro a'lampa, tena Kukellaiko angngerang pammoneang doe', kocikang yareka sapatu. Apaka kakurangangko anjo wattua?” Appialimi ke'nanga angkana, “Tena!”

LUKAS 3:11

Appialimi Yohanes nakana, “Tau niaka ruang lawara' bajunna, musti napassareangi silawara' mae ri tu tenaya bajunna. Na tau niaka kanrena, musti nabagei tongi tu tenaya kanrena.”

LUKAS 5:29

Le'baki anjo appare'mi Lewi passua'-suarrang ri balla'na untu' antoanai Isa. Jaimi pasingara' sima siagang tau maraenganga battu angngagangi ke'nanga angnganre.

LUKAS 9:4

Kere-kerekomae nitarima, ammantang mako anjoreng sa'genna nubokoi anjo kotaya.

2 TIMOTIUS 2:4

Surudadu sitabanga anggaukangi tugasa'na, takkulleai urusang kalenna naparutusu', lanri eroki napakasannang pa'mai'na komandanna.