LUKAS 9:19 - KITTA' MATANGKASA'

¹⁹ Appialimi ke'nanga angkana, “Nia' tau angkana Yohanes Paje'ne'. Nia' todong tau angkana Elia. Na maraenganga nakana kalase'renna na'bi jammang rioloa, attallasa' poleanga ammotere'.”

LUKAS 9:19 Iomraidhean Croise

MALEAKHI 4:5

Mingka ri tenanapa nabattu anjo allo hebaka siagang appakamalla' le'baka Kupattantu, laKusuroi battu Na'bi Elia.

MATIUS 14:2

Nakanamo Herodes ri pagawena, “Mattantu Yohanes Paje'ne' anjo taua attallasa' poleang! Iaminjo namakoasa kamma anggaukangi anjo gau'-gau' appakalannasaka.”

MATIUS 3:1

Anjo wattua nia'mi Yohanes Paje'ne' battu ri parang lompoa ri Yudea. Appakkaramulami akkato'ba nakana,

MARKUS 6:14

Sikamma kabara'na anjo kajarianga battu tommi mae ri Karaeng Herodes. Nasaba' a'la'bammi niasseng mange-mange arenNa Isa. Nia'mo tau angkana, “Attallasa' poleammi Yohanes Paje'ne'! Iaminjo saba'na na nia'mo koasana anggaukangi anjo gau'-gau' appakalannasaka.”

MARKUS 6:15

Mingka tau maraenganga nakana, “Iami Elia.” Nia' pole angkana, “Ia na'bi, sangkamma kalase'renna na'bi rioloa.”

LUKAS 9:18

Ri se'reang allo, ri wattunna appala' doang Isa Kale-kalenNa, battumi ana'-ana' gurunNa mae ri Ia. Akkuta'nammi Isa mae ri ke'nanga Nakana, “Turu' kananna taua, inaiA' anne?”

LUKAS 9:20

Akkuta'nammi pole Isa Nakana, “Mingka turu' panggappanu ikau ngaseng, inaiA' anne?” Appialimi Petrus nakana, “Ikattemi Karaeng Mappasalamaka, le'baka Napa'janjiang Allata'ala.”

YOHANES 1:21

Akkuta'nammi pole ke'nanga angkana, “Jari punna kamma, inaiko antu padeng? Ikau kutadeng Elia?” Appialimi Yohanes nakana, “Teai.” Akkuta'nammi pole ke'nanga angkana, “Maka Na'biko kapang?” Appialimi pole Yohanes nakana, “Teai.”

YOHANES 1:25

angkana, “Punna teaiko Karaeng Mappasalamaka, teaiko Elia, teai tongko Na'bi, apa saba'na nuje'ne' tau?”

YOHANES 7:40

Jai tau allangngereki anjo apa Napaua Isa. Na nia'mo ri ke'nanga angkana, “Mattantuna Na'bi anne Taua!”

YOHANES 9:17

Jari akkuta'nammi pole anjo tu Farisia ri anjo tau le'baka buta angkana, “Antekamma panggappanu ri anjo Tau le'baka amballeiko nukkulle accini'?” Appialimi nakana, “Na'bi anjo Taua.”