LUKAS 9:18 - KITTA' MATANGKASA'

¹⁸ Ri se'reang allo, ri wattunna appala' doang Isa Kale-kalenNa, battumi ana'-ana' gurunNa mae ri Ia. Akkuta'nammi Isa mae ri ke'nanga Nakana, “Turu' kananna taua, inaiA' anne?”

LUKAS 9:18 Iomraidhean Croise

MATIUS 14:23

A'lampana ngasemmo tau jaia, a'lampa tommi Kale-kalenNa nai' ri se'reang bonto, mange appala' doang. Sa'genna ta'rapi' bangngia nia' iji Isa anjoreng Kale-kalenNa.

MATIUS 26:36

Le'baki anjo a'lampami Isa siagang ana'-ana' gurunNa mange ri se'reang tampa' nikana Getsemani. Nakanamo ri ana'-ana' gurunNa, “Ammempo mako anrinni antayangA', erokKa' a'lampa anjoreng appala' doang.”

LUKAS 11:1

Nia' se're allo Nappala' doang Isa ri se'reang tampa'. Le'ba'na appala' doang, nia'mo kalase'renna ana' gurunNa angkana ri Ia nakana, “O Batara, Kiajara' sai ikambe appala' doang, sangkamma Yohanes naajaraki ana'-ana' gurunna appala' doang.”

LUKAS 3:21

Le'ba'na ngasemmo anjo taua nije'ne', nije'ne' tommi Isa. Na ri wattunna appala' doang tassungkei langika,

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

LUKAS 9:19

Appialimi ke'nanga angkana, “Nia' tau angkana Yohanes Paje'ne'. Nia' todong tau angkana Elia. Na maraenganga nakana kalase'renna na'bi jammang rioloa, attallasa' poleanga ammotere'.”

LUKAS 9:28

Kira-kira sidaminggu le'ba'na Napangngajarrang Isa sikamma anjo passalaka, Naerammi Petrus, Yohanes, siagang Yakobus nai' ri se'reang bulu' untu' appala' doang.

LUKAS 9:29

Ri wattunna appala' doang Isa anjoreng, tappinrami rupanNa siagang pakeanNa a'jari accilla' sanna' kebo'na.