LUKAS 8:6 - KITTA' MATANGKASA'

⁶ Nia' todong takkioro' ri butta jaia batu-batunna. Mingka ri wattunna accu'la', linta'mi kalumeng, lanri kalotoroki buttana.

LUKAS 8:6 Iomraidhean Croise

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEHEZKIEL 11:19

LaKuberui atinna siagang panggaukanna ke'nanga. Atinna ke'nanga terasaka sanrapang batu laKuallei nampa Kusambei siagang ati mannurukia mae ri Nakke.

YEHEZKIEL 36:26

Jari laKusare mako ati beru siagang pikkirang beru. Anjo atinnu terasa' kammaya batu laKusambei siagang ati mannuruki.

AMOS 6:12

Maka akkullei lari jaranga irate ri bulu' batua? Niakka tau le'ba' ampa'jekoi tamparanga siagang sapi? Mingka ikau ngaseng le'ba'mi nuputara' bale' kaadelanga a'jari racung ammunoa, siagang annabaya a'jari sala.

LUKAS 8:13

Anjo bine takkioroka ri tampa' a'batu-batua, iaminjo pangngebaranna tau sannanga nyawana ri wattu nalangngere'na anjo kabaraka; mingka tena najarre' anna'gala' aka'na anjo kabaraka lalang ri atinna ke'nanga. Sinampe'ji tappa' ke'nanga; punna battumo paccobaya, ammono'bokomi ke'nanga.

LUKAS 8:5

“Nia' sitau pamarri mange appakioro' bine. Ri wattunna appakioro', nia' bine takkioro' ri aganga. Jari nia'mo sitangnga nionjokang ri taua, na nia' sitangnga nikanre ri jangang-janganga.

LUKAS 8:7

Nia' todong bine takkioro' ri tangnga-tangngana rompo'-rompo' akkatintinga. Attimbomi anjo rompo'-rompo' akkatintinga siagang anjo binea. Apaji niepe'mi anjo binea ri anjo rompo'-rompo' akkatintinga, sa'genna mate.

IBRANI 3:15

Iaminne tattulisika lalang ri Kittaka, angkanaya, “Punna nulangngere' sa'ranNa Allata'ala anne alloa, teako tamappilangngeri sangkamma boe-boenu riolo, ri wattunna nabali Allata'ala.”