LUKAS 8:54 - KITTA' MATANGKASA'

⁵⁴ Mingka Nata'gala'mi Isa limanna anjo anaka nampa Nakana, “Ambangungko na'!”

LUKAS 8:54 Iomraidhean Croise

YEREMIA 31:32

Mingka anjo parjanjianga tena nasangkamma parjanjiang Kupareka siagang boe-boena ke'nanga ri wattunna Kururungang assulu' ke'nanga battu ri Mesir. Manna pole Kurapang bura'nenna ke'nanga, mingka nadakkai ke'nanga parjanjiangKu siagang ke'nanga.

MATIUS 9:25

Mingka assulu'na ngasemmo anjo taua, antama'mi Isa ri kamara'na anjo anaka, naNata'gala' limanna. Ambangummi nai' anjo ana' bainea.

MARKUS 1:31

Mangemi Isa anta'galaki limanna anjo matoang bainena Simon, nampa nabantu ambangung. Ammarimi rammusu', siagang appakkaramulami allayani ke'nanga.

MARKUS 8:23

Jari Nata'gala'mi Isa limanna anjo tau butaya naNarenreng assulu' battu ri anjo kotaya. Nampa Napi'rui Isa matanna anjo taua. Napadongkoki limanNa ri matanna anjo taua, nampa akkuta'nang ri ia Nakana, “Akkulle mako accini' apa-apa kamma-kamma anne?”

MARKUS 9:27

Mingka Nata'gala'mi Isa limanna anjo anaka, na Nabantu ambangung. Nambangummo anjo anaka.

LUKAS 8:51

Ri wattunna battumo mange ri balla'na Yairus, tenamo Nakellai Isa tau maraenga antama' ri kamara'na anjo anaka, pantaranganna Petrus, Yohanes, Yakobus, siagang anrong-manggena anjo anaka.

LUKAS 8:53

Nikakkalimi Isa ri ke'nanga, nasaba' naassenna ke'nanga angkana matemi anjo ana' bainea.

LUKAS 8:55

Ammotere'mi nyawana anjo anaka, nambangung memammo silalonna. Le'baki anjo Nasuromi Isa ke'nanga ansarei kanre anjo anaka.

YOHANES 11:43

Le'baki akkana kamma Isa, akkio' lompomi Nakana, “Lazarus, assulukko mae!”

YOHANES 5:21

Anjo Manggea ampabangungi tau matea naNasare ke'nanga katallassang sitojennaya siagang mannannunganga; kammayatompa anjo Anaka assarei katallassang mannannungang tau eroka Nasare katallassang.

LAMPA-LAMPANA 9:40

Nasuromi Petrus assulu' ngaseng ke'nanga, nampa akkulantu' appala' doang. Le'baki anjo, a'dalle' mangemi ri maya'na Dorkas, nampa nakana, “Tabita, ambangungko!” Nasungkemi matanna Dorkas; na ri wattunna nacini' Petrus, ambangummi nai' ammempo.

ROMA 4:17

Nasaba' kammaminne kananNa Allata'ala mae ri Abraham, “Kupa'jari mako bapa'na jaia bansa ri lino.” Kammaminjo bateNa Allata'ala assarei janji Abraham. Natappa'mo Abraham mae ri Ia. Iami Allata'ala ampattallasa' poleangai ammotere' tau matea; Ia tommi Allata'ala poro akkanayaji bawang nakkullemo Napa'jari nia' apa-apa tenaya nale'ba' nia'.