LUKAS 8:49 - KITTA' MATANGKASA'

⁴⁹ Sitabang a'bicaraNa Isa, nia'mo sitau tunisuro battu mae ri Yairus, iamintu tau battu ri balla'na Yairus. Nakanamo anjo taua ri Yairus, “Matemi anjo ana' baineta. Tea' maki' susa-susai pole anjo Bapa' Guru.”

LUKAS 8:49 Iomraidhean Croise

YESAYA 7:12

Appialimi Ahas angkana, “Tena kuppala' tanra. Tena kuero' anso'ri Batara.”

MATIUS 26:10

Nalangngere'na Isa anjo bicaranna ke'nanga, Nakanamo, “Angngapa nanususai kamma anne bainea? Anu baji' siagang anu annaba anne nagaukanga ri Nakke.

MATIUS 9:18

Ri wattunna a'bicara Isa siagang ana'-ana' gurunna Yohanes Paje'ne', nia'mo sitau pamimping balla' sambayang battu. Akkulantuki ri dallekanNa Isa nampa nakana, “Silalonna mate ana' baineku. Mingka kuminasaiKi' naKimange ampadongkoki lima, sollanna attallasa' poleang.”

MARKUS 5:22

Nia'mo sitau, niareng Yairus, battu mae ri Isa. Iami kapalana balla' sambayanga ri anjo kotaya. Battuna mae ri Isa, su'ju'mi ri dallekanNa.

LUKAS 11:7

Ebara'na appiali anjo agannu battu lalang ri balla'na angkana, ‘Teako susa-susaia'! Takkoncimi ballaka, siagang attinroma' siagang ana'-anakku. Takkullea' ambangung assareko apa-apa.’ ”

LUKAS 7:6

A'lampami Isa siagang ke'nanga. Ri wattunna la'birimmo battu Isa mange anjoreng ri balla'na anjo perwiraya, nia'mo siapa are aganna anjo perwiraya battu nasuro anruppai Isa. Nasuroi ke'nanga ampabattui pasanna ri Isa angkana, “Tea' maki' susa-susai KalenTa mae ri ballakku, nasaba' tena nakusiratang antarimaKi' ri ballakku.