LUKAS 8:47 - KITTA' MATANGKASA'

⁴⁷ Naassemmi kalenna anjo bainea angkanaya niassemmi apa le'baka nagaukang. Jari battumi su'ju' siagang annekkere' ri dallekanNa Isa. Nacaritami ri dallekanna ngaseng tau jaia, apa saba'na nanasero jubaNa Isa. Na nacarita tommo angkanaya ammarimi silalonna garrinna.

LUKAS 8:47 Iomraidhean Croise

PAMMUJI 2:11

Manynyombako ri Batara numannuruki,

PAMMUJI 38:9

Ancuru'ma' siagang tenamo kagassingangku, akkunrarenga' lanri lussa'na pa'maikku.

PAMMUJI 66:16

Battu mako siagang pilangngerimi, he sikamma tau mappilangngeria, lakucaritai apa le'baka Nagaukang Allata'ala mae ri nakke.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

HOSEA 13:1

Riolo nipakalompoi suku Efraim sa'genna punna nia' parenta battu ri anjo sukua, malla' ngasengi suku-suku maraenga ri Israel. Mingka dorakami suku Efraim lanri anynyombana ri Rewata Baal, lanri kammana anjo lalanynyaki.

HOSEA 5:3

Kuasseng ngasengi sikontuna batangkalennu ngaseng, he ikau tu Israel. Tena olona lania' akkulle nurahasiakang mae ri Nakke. Anynyombako ri barhalaya siagang tenamo namajarre' pa'mai'nu mae ri Nakke. Lanri kammana anjo, tena nasiratang taunnu anynyomba mae ri Nakke.”

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

MATIUS 28:8

Akkaro-karomi anjo bai'-bainea a'lampa ambokoi anjo jeraka. Sanna' malla'na ke'nanga, mingka sanna' todong rannuna ngaseng nyawana. Larimi ke'nanga mange ampabattui ri ana'-ana' gurunNa Isa.

MARKUS 5:33

Anjo bainea, naassennamo apa kajarianga ri kalenna, a'jari malla'mi siagang annekkere'mi. Su'ju'mi ri dallekanNa Isa na namangakui ngaseng apa nagaukanga.

LUKAS 8:46

Nakanamo Isa, “Mingka nia' tau anseroA'. Kuassengi, nasaba' nia' Kusa'ring kagassingang assulu' battu lalang ri KalengKu.”

LUKAS 8:48

Nakanamo Isa ri ia, “AnakKu, lanri tappa'nu ri Nakke, a'jari baji' mako. A'lampamako siagang salama'.”

LAMPA-LAMPANA 16:29

Appala'mi lampu anjo kapala tarungkua nampa lari antama'. Annekkere'mi nakkulantu' anynyomba ri dallekanna Paulus siagang Silas.

1 KORINTUS 2:3

Sanna' lammana kalengku siagang annekkerekka' napakamma malla' ri wattungku nia' ri tangnga-tangnganu ngaseng.

2 KORINTUS 7:15

Kamma-kamma anne pila' lompomi pangngamaseanna mae ri kau ngaseng. Nasaba' nau'rangi antekamma ero'nu ngaseng ampilangngeri kananna. Kammayatompa lompona ngaseng pangngali'nu mae ri ia ri wattunna nutarima.

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

IBRANI 12:28

Lanri kammana, paralluki' appala' sukkuru' mae ri Allata'ala, lanri nitarimana battu ri Allata'ala, kakaraengang tenaya nakkulle ta'goccang. Paralluki' appala' sukkuru' siagang mappakala'biri' anynyomba mae ri Ia siagang malla', situru' cara Nakaerokia KalenNa Allata'ala.

1 SAMUEL 16:4

Nagaukammi Samuel situru' anjo Napaua Batara. Ri wattunna battu mange ri Betlehem, niruppaimi ri sikamma pamimpinga ri anjo kotaya. Nata'bangka ke'nanga siagang akkuta'nang angkana, “Maka kabara' kasalamakkang anne naerang kabattuanna bapa'?”