LUKAS 8:43 - KITTA' MATANGKASA'

⁴³ Nia' tommo ri alla'na ke'nanga sitau baine; anjo bainea sampulomi anrua taung garring nalari cera'. La'busu'mi barang-baranna napangngongkosang mae ri dottoroka, mingka tena manna sitau akkulle amballei.

LUKAS 8:43 Iomraidhean Croise

2 PATTOTTORANG 16:12

Ri taung makatallumpulo assalapang ammarentana Asa, natabami garring lompo rua-rua bangkenna. Mingka manna nakamma tena nappala' pannulung mae ri Batara, passangalinna mae ri dottoroka.

AYUB 13:4

Saba' nutongko' ngasengi katoloannu siagang balle-balle, tena sisalana sanro paballe-ballea.

PAMMUJI 108:12

O, Allata'ala, tenaka Kimminawang siagang ikambe? Tenaka Kimaju siagang tantarana ikambe?

YESAYA 2:22

Jari, teako manrannuangngi mae ri rupatau lamatea, nasaba' anjo ke'nanga tena anggaranna.

MARKUS 12:44

Nasaba' anjo ke'nanga palla'bi-la'biannaji battu ri pa'barang-baranganna napassareang. Mingka anjo jandaya, manna nakasi-asi, mingka napassareang ngasemmi apa-apa niaka ri ia, sannaka naparalluina untu' katallassanna.”

MARKUS 9:18

Punna nibattuiseng ri roh ja'dalaka, napatappa'-tappasaki kalenna naung ri buttaya, nampa a'busa bawana, a'rekuki giginna siagang ka'doro' ngasengi kalenna. Kupalaki ri ana'-ana' gurunTa sollanna nabongka assulu' anjo roh ja'dalaka, mingka tanakulleai ke'nanga.”

LUKAS 13:11

Nia'mo anjoreng sitau baine garring, lanri nia'na roh ja'dala' lalang ri kalenna. Na sampulomi assagantuju taung garring anjo bainea. A'bukku'mi siagang tena sikalimo nakkulle ammenteng.

LUKAS 13:16

Anrinni nia' sitau baine, sossoranna Abraham, sampulomi assagantuju taung nisessa siagang nisikko' ri Billisi'. Maka takkulleai nila'gasi passikko'na ri Allo Pammari-marianga?”

LUKAS 8:27

Ri wattunna naummo Isa ri bontoa, nia'mo sitau bura'ne napantamakki setang, battu anruppai. Anjo taua tau battu ri kotaya. Sallomi taccare-carea siagang tammantanga ri balla'. Anjoreng mami ri kali'bong pa'jerakkang batua ero' ammantang.

LUKAS 8:42

nasaba' garringi ana' bainena sitau-taua sampulo anrua taung umuru'na, siagang a'biring dudumi mate. Lalang a'jappaNa Isa mange ri balla'na Yairus, battumi taua attammulili siagang siassa'-assa', mae ri Isa.

LUKAS 8:44

A'reppese'mi anjo bainea battu ri bokoNa Isa, nampa nasero cappa' jubaNa. Ammari memammi silalonna nalari cera' anjo bainea.

YOHANES 9:1

Ri wattunna a'jappa Isa, nia'mo Nacini' tau buta battu ri pakaramula nilassukanna.

YOHANES 9:21

Mingka antekamma batena nakkulle accini' kamma-kamma anne, tena naassengi ikambe. Kammayatompa, inai amballei nakkulle accini' kamma-kamma anne, tena todong naassengi ikambe. Ia tommo kuta'nang, nasaba' toa tommi; akkullemi kalenna appiali.”

LAMPA-LAMPANA 3:2

Anjoreng ri pakke'bu' lompoa, niarenga “Pakke'bu' Ga'gaya”, nia' sitau bura'ne peso'. Peso' memammi baku' nilassukanna. Allo-allona nierang anjo taua mange anjoreng untu' appala'-pala' ri tau eroka antama' ri Balla'Na Batara.

LAMPA-LAMPANA 4:22

Anjo tau peso' le'baka niballei lalang anjo gau' appakalannasaka, la'bimi patampulo taung umuru'na.