LUKAS 8:41 - KITTA' MATANGKASA'

⁴¹ Nia'mo sitau kapala balla' sambayang battu mae ri Isa, iamintu niarenga Yairus. Su'ju'mi ri dallekanNa Isa, na napala' dudu sollanna ero' Isa a'lampa mange ri balla'na;

LUKAS 8:41 Iomraidhean Croise

LUKAS 13:14

Larromi kapalana anjo balla' sambayanga, lanri Naballeina anjo bainea ri allo Pammari-marianga. Jari nakanamo ri taua ngaseng, “Nia' annangallo akkulle nipake untu' anjama; lalang allo-allo kammaya minjo nubattu punna erokko niballei, teako ri allo Pammari-marianga nubattu!”

LUKAS 17:16

Nampa mange ri dallekanNa Isa, anynyomba appala' sukkuru' ri Isa. Anjo taua tau battu ri pa'rasangang Samaria.

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

LUKAS 8:42

nasaba' garringi ana' bainena sitau-taua sampulo anrua taung umuru'na, siagang a'biring dudumi mate. Lalang a'jappaNa Isa mange ri balla'na Yairus, battumi taua attammulili siagang siassa'-assa', mae ri Isa.

LUKAS 8:49

Sitabang a'bicaraNa Isa, nia'mo sitau tunisuro battu mae ri Yairus, iamintu tau battu ri balla'na Yairus. Nakanamo anjo taua ri Yairus, “Matemi anjo ana' baineta. Tea' maki' susa-susai pole anjo Bapa' Guru.”

YOHANES 11:21

Nakanamo Marta mae ri Isa, “O Batara, ka'de' naKinia' anrinni anjo wattua, mattantu tenapa nalamate sari'battangku.

LAMPA-LAMPANA 13:15

Ri wattunna le'ba' nibaca Kitta'na Musa siagang Kitta'na Na'bi-na'bia, nasuromi pamimping-pamimping balla' sambayanga akkuta'nang tau niaka hadere' mae ri Paulus siagang agang-aganna. Nakanamo pamimping balla' sambayanga mae ri Paulus siagang aganna, “Sikamma sari'battangku, punna nia' pappakainga' ero' nupabattuangi anne taua ngaseng, pabattuammi.”

LAMPA-LAMPANA 18:17

Jari a'gilimmi ke'nanga anjakkalaki Sostenes, iamintu kapalana anjo balla' sambayanga, nampa naba'ji ri dallekanna mejang pangadelanga. Mingka tena sikali najampangi Galio anjo apa nagaukanga ke'nanga.

LAMPA-LAMPANA 18:8

Mingka kapalana anjo balla' sambayanga, iamintu niarenga Krispus siagang sikontu tau niaka ri balla'na, a'jari tappa'mi ri Batara Isa. Siagang pole jai tommi tu Korintus maraenganga allangngereki anjo kabara' napabattua Paulus, na'jari tappa' mae ri Isa nampa nije'ne' ke'nanga.

LAMPA-LAMPANA 9:38

Anjo Yope tena nasiapa bellana battu ri Lida. Jari nalangngere'na tau tappaka ri Yope angkana niaki Petrus ri Lida, nia'mo rua tau nasuro ke'nanga mange ambuntuli Petrus. Appasammi ke'nanga ri Petrus angkana, “Akkaro-karoki' battu mae.”

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.