LUKAS 8:24 - KITTA' MATANGKASA'

²⁴ A'lampami linta' ana'-ana' gurunNa Isa anronrongi Isa. Nakanamo ke'nanga, “Pa' Guru, Pa' Guru, natujuki' bala!” Ambangummi Isa nampa Naga'gara' anjo anginga siagang bombang lompoa. Ammarimi anjo anginga siagang bombanga, nampa a'jari sannang sikali tamparanga.

LUKAS 8:24 Iomraidhean Croise

PAMMUJI 65:7

Lanri kagassinganTa nakipaenteng sikamma monconga, untu' ampappicinikangi koasa malompoTa.

YESAYA 50:2

Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

NAHUM 1:4

Naga'garaki tamparanga na'jari kalotoro', Napaccappuki je'ne'na sikontu binangaya. Bulu' Karmel siagang sikamma paranga ri Basan a'jari kalotoroki na kalumeng sikamma bungaya ri Libanon.

MATIUS 14:30

Mingka nacini'na Petrus bombang lompoa ri tamparanga, nabattuimi malla'. Appakkaramulami tallang. Ammarrang lompomi nakana, “O Batara, Kiallea'!”

MATIUS 8:25

Battumi ana'-ana' gurunNa akkiok-kio' anronrongi nakana, “Bapa', natujuki' bala, tulungi ana'-anatTa!”

MARKUS 4:39

Ambangummi Isa, nampa naga'gara' anjo anginga, siagang Nakana ri anjo tamparanga, “Ammariko siagang sannangko!” Ammarimi anginga, siagang a'jari sannang sikalimi tamparanga.

LUKAS 4:35

Naga'gara'mi Isa anjo setanga Nakana, “A'merekko! Assulukko battu ri antu taua!” Nipatappasa'mi anjo taua ri anjo setanga ri dallekanna ngaseng ke'nanga. Nampa assulu' baji'-baji' anjo setanga battu ri anjo taua.

LUKAS 4:39

Mangemi Isa ri katinroanna anjo ibu', nampa Napela' assulu' anjo rammusu'na. Ammarimi anjo rammusuka; nambangung memammo silalonna matoang bainena Petrus, mange allayani ke'nanga.

LUKAS 5:5

Appialimi Simon nakana, “O Bapa' Guru, sipattangmaki' bujuru' anjama terasa', mingka manna sikayu tania' juku' nigappa. Mingka lanri Kipassuroangi, baji'mi nakumange pole a'jala.”

LUKAS 8:25

Nampa Nakanamo Isa mae ri ana'-ana' gurunNa, “Angngapa natena ngaseng nutappa' ri Nakke?” Lannasa'mi siagang malla'mi ana'-ana' gurunNa Isa. Na massing angkanamo para ia ke'nanga, “Inai sitojenna anne taua sa'genna manna anginga siagang bombanga Naparenta ngaseng, nanituruki parentaNa?”