LUKAS 8:22 - KITTA' MATANGKASA'

²² Ri se'reang allo nai'mi Isa siagang ana'-ana' gurunNa ri se'reang biseang. Nakana Isa ri ana'-ana' gurunNa, “Umba ki'lampa a'limbang anta'leang ri ba'leanna anne tamparanga.” Jari a'lampami ke'nanga.

LUKAS 8:22 Iomraidhean Croise

MATIUS 14:22

Le'baki anjo Nasuromi Isa ana'-ana' gurunNa nai' ri biseanga. Nampa Nasuro ke'nanga a'lampa riolo a'limbang ri tamparanga. Na tau jaia Nasuro ngasemmi ammotere'.

MATIUS 8:18

Jai sikali tau antammulili Isa. Nacini'na ngaseng Isa ke'nanga, Nasuromi ana'-ana' gurunNa a'lampa a'limbang ri tamparanga.

MARKUS 5:21

Ammotere'mi pole Isa anta'leang ri ba'leanna anjo tamparanga. Anjoreng ri birinna tamparanga jaimi tau battu a'rappungang ri tammuliliNa Isa.

MARKUS 6:45

Le'baki anjo Nasuromi ana'-ana' gurunNa Isa a'lampa linta' a'dongko' biseang a'lampa riolo mange ri Betsaida, ri ba'leanna tamparanga. Na anjo tau jaia Nasuro ngasemmi ammotere'.

MARKUS 8:13

Nampa a'lampa Isa ambokoi ke'nanga, Nantama' ri biseanga; nampa a'limbang anta'leang ri ba'leanna tamparanga.

LUKAS 5:1

Nia' se're wattu nammenteng Isa ri biring Tamparang Genesaret. Jai tau assiassa'-assa', battu ero' allangngereki biritta battua ri Allata'ala.

LUKAS 8:23

Ri wattunna attangnga dolangang ke'nanga, attinromi Isa. Ti'ring battumi anging lompoa antujui anjo tamparanga. Appakkaramulami antama' je'neka ri biseanna ke'nanga, sa'genna a'reppese'mi balaya ri ke'nanga.

LUKAS 8:33

Jari assulu'mi anjo setang-setanga battu lalang ri kalenna anjo taua, nampa antama' anjoreng ri bawi-bawia. Nampa lari ngaseng anjo bawia, na'lumpa' naung ri tamparanga, sa'genna tallang ngaseng.

YOHANES 6:1

Siapa are allo ribokoanganna a'lampami Isa anta'le ri ba'leanna Tamparang Galilea, niarenga todong Tamparang Tiberias.

LAMPA-LAMPANA 27:2

Nai' maki' ri kappalaka ri Adramitium nampa a'lampa maki' assombala'. Anjo kappalaka eroki assombala' mange ri sikamma palabuhang niaka ri daera Asia. Nia' tongi Aristarkhus angngagangki' irate ri anjo kappalaka. Anne Aristarkhus tau battu ri Makedonia.