LUKAS 8:20 - KITTA' MATANGKASA'

²⁰ Nia'mo sitau angkana mae ri Isa, nakana, “Pa', niaki ammatTa siagang sari'battanTa pantarang. Eroki ke'nanga angngagangKi' sicini'.”

LUKAS 8:20 Iomraidhean Croise

MARKUS 6:3

Sai anne taua tukang kayu, ana'na Maria, sari'battanna Yakobus, Yoses, Yudas, siagang Simon? Ba, manna sari'battanNa bainea anrinni ngasengi ammantang.” Lanri kammana, teami ke'nanga antarimai Isa.

LUKAS 8:19

Ero'mi battu amma'Na siagang sari'battanNa Isa mae ri Isa, mingka takkulleai ke'nanga ta'rapi' mange, lanri sanna' jaina tau.

LUKAS 8:21

Mingka Nakanamo Isa ri ke'nanga, “Inai-nai ampilangngeri siagang anggaukangi kananNa Allata'ala, iami a'jari ammakKu siagang a'jari sari'battangKu.”

LAMPA-LAMPANA 1:14

Tuli a'julu atimi a'rappungang ke'nanga untu' appala' doang siagang bai'-bainea, siagang Maria amma'Naya Isa, kammayatompa sikamma sari'battanNa ngaseng Isa.

1 KORINTUS 9:5

Maka tena nakusiratang angngerang sitau baine tu ri ballakku lalang lampaku, sangkamma nagaukanga sari'battanNa ngaseng Batara Isa, siagang tunisuroNa Allata'ala maraenganga, kammaya Petrus?

GALATIA 1:19

Tena nakusigappa siagang sikamma suro maraenganga, pantaranganna Yakobus, sari'battanNaya Batara.