LUKAS 8:2 - KITTA' MATANGKASA'

² Kammayatompa siapa are bai'-baine le'baka napantamakki roh ja'dala' siagang tau garring na Naballei Isa, nia' tongi amminawang. Iamintu Maria nigallaraka Magdalena (le'baka napantamakki tuju setang na Nabongka assulu' Isa);

LUKAS 8:2 Iomraidhean Croise

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

MARKUS 16:1

Ri wattunna allalomo allo Pammari-marianga, a'lampami Maria Magdalena, Maria amma'na Yakobus, siagang Salome, mange ammalli minynya'-minynya', untu' lanapake amminynya'-minynyaki maya'Na Isa ri jeraka.

MARKUS 16:9

Attallasa' poleannamo Isa battu ri kamateanga, ri bari'basa'na allo Minggua, uru-uruna Napappicinikammi KalenNa mae ri Maria Magdalena. (Iaminne Maria le'baka napantamakki tuju setang, na Nabongka Isa assulu' anjo setanga battu ri kalenna.) A'lampai anjo sikamma bai'-bainea mae ri Petrus siagang agang-aganna, nampa napabattu bodona caritana anjo sikontu apa le'baka nipauangi ke'nanga ri anjo tau rungkaya.

LUKAS 23:27

Jai tau amminawang a'jappa ri bokoNa Isa – nia' todong siapa are bai'-baine. Angngarru'mi anjo bai'-bainea angkarruki Isa.

LUKAS 23:49

Na sikamma siassenna Isa, kammayami bai'-baine amminawanga ri Ia battu ri Galilea, battu bella mami anciniki sikamma anjo apa kajarianga.

LUKAS 23:55

Ri wattunna a'lampa Yusuf angngerangi maya'Na Isa mange ri jeraka, amminawang tongi bai'-baine amminawanga ri Isa battu ri Galilea. Jari naciniki ke'nanga pammantanganna anjo jeraka. Nacini' tongi ke'nanga antekamma batena nipadongko' maya'na Isa lalang ri jeraka.

LUKAS 8:30

Akkuta'nammi Isa ri anjo taua Nakana, “Inai arennu?” Appialimi anjo taua angkana, “Legiun,” nasaba' jaimi setang antama' ri kalenna anjo taua.

YOHANES 19:25

Tabellayai ri salli'Na Isa, niaki ammenteng amma'Na Isa, sari'battang bainena amma'Na, Maria bainenna Kleopas, siagang Maria Magdalena.

LAMPA-LAMPANA 1:14

Tuli a'julu atimi a'rappungang ke'nanga untu' appala' doang siagang bai'-bainea, siagang Maria amma'Naya Isa, kammayatompa sikamma sari'battanNa ngaseng Isa.