LUKAS 7:8 - KITTA' MATANGKASA'

⁸ Nasaba' manna inakke amminawang turu' tonja' mae ri parentana komandangku. Na irawangangku nia' todong siapa are jaina surudadu, na musti amminawang turu' tongi ri parentaku. Punna nia' tau sitau kusuro angkana, ‘A'lampako!’ ma'nassa tena ta'lampana; na punna kukana ri maraenganga, ‘Maeko anrinni!’ ma'nassa tena tabattuna mae. Siagang punna kusuro palayangku angkana, ‘Gaukangi anne!’ ma'nassa tena tanagaukanna.”

LUKAS 7:8 Iomraidhean Croise

LUKAS 7:7

Iaminjo saba'na natena kubarani battu andallekang ri Katte. Jari Kiparentakang mami sollanna a'jari baji' anjo palayangku.

LUKAS 7:9

Sanna' lannasa'Na Isa allangngereki anjo pappasanna perwiraya. Assailemi nampa Nakana mae ri tau jai niaka amminawang ri Ia angkana, “Teai sipato' anne taua. Manna ri alla'na bansa Israelka tena tompa naKule'ba' ammuntulu' tau lompo kammaya anne tappa'na!”

LAMPA-LAMPANA 23:17

Akkio'mi Paulus sitau perwira nampa napauang angkana, “Erang sai anne turungkaya mae ri komandanga, nia' ero' napabattu mae ri komandanga.”

LAMPA-LAMPANA 23:23

Le'baki anjo akkio'mi anjo komandanga rua perwira, nampa nakana ri ke'nanga, “Appasadiako ruambilangngang tantara kammayatompa tujupulo tantara padongko' jarang, siagang ruambilangngang tantara angngeranga poke, nampa a'lampa memangki' ri tette' salapang anne bangngia mange ri Kaisarea.

LAMPA-LAMPANA 23:26

“Natarimai Karaeng Tunipakala'birika, Guburnur Feliks. Salama' battu ri Klaudius Lisias!

LAMPA-LAMPANA 23:31

Jari a'lampami anjo tantaraya ngaseng anggaukangi apa nipassuroanga ri ke'nanga. Mangemi ke'nanga angngallei Paulus, nampa naerang a'lampa bangngi sa'genna mange ri Antipatris.

LAMPA-LAMPANA 24:23

Le'baki anjo nasuromi anjo perwiraya angngerangi Paulus, sollanna nitahang ija. Mingka nisarei sike'de' kalonggangang Paulus, siagang tena nipisangkai punna nia' agang-aganna battu ampangngerangangi apa-apa naparalluanga.

LAMPA-LAMPANA 25:26

Mingka tenapa kugappa kasingarang baji' dudu, ri passala' batangkalenna anne taua, akkullea kutulisi' lalang sura' mae ri Karaenga. Lanri kammana minjo nakuerang battu andallekang ri dallekanta ngaseng, la'biangampa ri dallekanna tunipakala'birika Karaeng Agripa! Pattujungku iamintu, sollanna punna le'ba'mo niparessa anne taua, akkullema' anggappa kasingarang angkana apa lakutulisi' lalang ri suraka mae ri Karaenga ri Roma.

KOLOSE 3:22

Ikau ngaseng a'jari palayanga! Lalang ri apa-apa mamo, paralluko amminawang turu' mae ri pinggawanu ri anne linoa. Teako naiaja bawang numminawang turu' punna niaki anjagaiko, lanri ero'nu nipalece. Turuki ke'nanga situlusu' pa'mai'nu, lanri nupakala'biri'na Batara.