LUKAS 7:50 - KITTA' MATANGKASA'

⁵⁰ Mingka Nakanamo pole Isa ri anjo bainea, “Nipasalama' mako lanri tappa'nu mae ri Nakke. A'lampamako siagang pakasannammi pa'mai'nu!”

LUKAS 7:50 Iomraidhean Croise

KATO'BA 9:7

Umba, ningnganremo siagang a'rannu-rannu, inungi anggoro'nu numatte'ne-te'ne pa'mai'. Tena Napappisangkangi Allata'ala, ba'lalo Nakellai.

HABAKUK 2:4

Siagang u'rangi: Tau ja'dalaka tena nalalasalama', mingka tau anggaukangai ero'Na Allata'ala lattallasaki lanri majarre'na mae ri Allata'ala.”

MATIUS 9:22

Anjo wattua assailemi Isa, naNaciniki anjo bainea. Siagang Nakanamo ri anjo bainea, “Sa'barakko na'! Lanri tappa'nu ri Nakke, a'jari baji' mako ri garrinnu!” A'jari baji' memammi silalonna anjo bainea.

MARKUS 10:52

Nakanamo Isa, “A'lampamako, nipakabaji' mako ri tappa'nu.” Anjo wattua accini' memammi silalonna anjo tau butaya. Nampa a'lampa amminawang ri Isa.

MARKUS 5:34

Nampa Nakanamo Isa ri anjo bainea, “O AnakKu, lanri tappa'nu ri Nakke, a'jari baji' mako! A'lampamako siagang salama'. Baji' sikali mako antu!”

LUKAS 17:19

Nampa Nakana Isa ri anjo taua, “Ambangungko nai' siagang ammotere' mako. A'jari baji' mako lanri tappa'nu mae ri Nakke.”

LUKAS 18:42

Jari Nakanamo Isa, “Punna kamma, accini' mako! Nipakabaji' mako lanri tappa'nu.”

LUKAS 7:9

Sanna' lannasa'Na Isa allangngereki anjo pappasanna perwiraya. Assailemi nampa Nakana mae ri tau jai niaka amminawang ri Ia angkana, “Teai sipato' anne taua. Manna ri alla'na bansa Israelka tena tompa naKule'ba' ammuntulu' tau lompo kammaya anne tappa'na!”

LUKAS 8:18

Lanri kammana, pilangngerimi baji'-baji' apa-apa nulangngereka. Nasaba' tau niakamo apa-apanna lanitambaiangi pole jaiangang; mingka tenaya apa-apanna, manna apa sike'deka ri ia lanialleangi pole ammotere'.”

LUKAS 8:42

nasaba' garringi ana' bainena sitau-taua sampulo anrua taung umuru'na, siagang a'biring dudumi mate. Lalang a'jappaNa Isa mange ri balla'na Yairus, battumi taua attammulili siagang siassa'-assa', mae ri Isa.

LUKAS 8:48

Nakanamo Isa ri ia, “AnakKu, lanri tappa'nu ri Nakke, a'jari baji' mako. A'lampamako siagang salama'.”

1 SAMUEL 1:17

Nampa nakanamo Eli, “Punna kamma anjo ammotere' mako siagang salama'. Poro Naturukiangko Allata'alana Israel pappala'nu.”