LUKAS 7:46 - KITTA' MATANGKASA'

⁴⁶ Tena nanutumpai minynya' ulungKu, mingka anne bainea natumpaimi minynya'-minynya' bau' bangkengKu.

LUKAS 7:46 Iomraidhean Croise

2 SAMUEL 12:20

Jari ambangummi nai' Daud battu ri daparaka, nampa a'je'ne' siagang najangkai baji' uu'na, kammayatompa nasambei pakeanna. Le'baki anjo a'lampami assambayang ri Balla'Na Batara. Le'baki anjo ammotere'mi mae ri balla' kakaraenganga, siagang assuro patalami kanre, nampa angnganre.

2 SAMUEL 14:2

lanri kammana anjo assuro allemi sitau baine porea akkala'na niaka ammantang ri Tekoa. Ri wattunna battumo anjo bainea, angkanami Yoab ri ia, “Musti assara-saraiki' kamma tau susa kamateang ibu'; ammakeki' pakeang tau susa kamateang, siagang teaki' ammakei minynya' bau'. Kipare' kammai kalenta baine salloamo angngarru' lanri matenamo tau kingaia.

PAMMUJI 104:15

nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

PAMMUJI 23:5

Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

KATO'BA 9:8

Lappassammi accaya siagang singara' rupannu.

DANIEL 10:3

Lalang anjo sikammaya sallona tena nakungnganre kanre nyamang siagang dageng; tena kungnginung anggoro', siagang tena todong kujangkai uukku.

AMOS 6:6

Angnginungko anggoro' battu ri pangnginungang niboneia sa'genna rassi, siagang ammakeko minynya' bau' kaminang bajika, mingka tena nasi'na pa'mai'nu mae ri kaancuranna Israel.

MIKHA 6:15

Lappakiorokko gandung, mingka takkulleai lanugappa wassele'na. Lapparekko minynya' battu ri rappo zaitun, mingka takkulleai nupake minynya'na. Lammaccokko je'ne' anggoro', mingka talanuinungai je'ne'na.

MATIUS 6:17

Mingka ikau ngaseng, punna appuasako, pira'nyuki rupannu siagang a'jangka baji'-bajikko,

LUKAS 7:47

Sitojeng-tojenna, lanri lompo kammana pangngamaseanna ri Nakke, na ma'nassamo angkanaya nipammopporammi dosa-dosana sannaka jaina. Punna sike'de'ji nipammopporangangi dosana taua, sike'de' tonji pangngamaseanna.”

RUT 3:3

A'je'ne' mako kamma-kamma anne nampa ammakeko minynya'-minynya' mabau', siagang pakemi pakeannu kaminang ga'gaya. Nunampa a'lampa mange ri tampa' napanjamaia Boas anggiling gandung. Tayangi anjoreng sa'genna le'ba' angnganre siagang angnginung, mingka tea' lalo naassengi angkanaya niakko anjoreng.