LUKAS 7:38 - KITTA' MATANGKASA'

³⁸ Mangemi ammenteng ri bokoNa Isa, iamintu ri ampi' bangkenNa Isa. Angngarru'mi anjoreng, nampa nabasai bangkenNa Isa siagang je'ne' matanna. Nampa nalu'lu' nakalotori bangkenNa Isa siagang uu'na, nampa natumpai minynya'-minynya' bau'.

LUKAS 7:38 Iomraidhean Croise

PA'JARIANG 18:4

Boli'mi kamma nakungngalle je'ne' untu' anbissai bangkenta ngaseng. Mae maki' ammari-mari poso irawanganna anne poko' kayua.

EZRA 10:1

Lalang appala' doanna Ezra siagang angngarru' appala' popporo' ri dallekanna Balla'Na Batara, sanna' jaina tu Israel battu a'rappungang, bura'ne, baine, siagang ana'-ana'. Nakulilingi ke'nanga anjo Ezra nampa angngarru' lompo ngaseng.

PAMMUJI 38:18

Punna a'biringa' tu'guru', tulusu' pa'risi'na kusa'ring.

PAMMUJI 51:17

O, Batara, tulunga' a'bicara, nakulammuji-muji mae ri Katte.

KATO'BA 9:8

Lappassammi accaya siagang singara' rupannu.

KELONG MALA'BIRI' 1:3

Ikau sanna' mabau'nu, arennu sanrapang minynya' mabau' tattumpaya; lanri kammana minjo nanangaiko tuloloa!

YESAYA 57:9

Ammakeko minynya'-minynya' mabau', nampa a'lampako mange anynyomba ri rewata niarenga Molokh. Nukiringi sikamma tunisuronu mange ri pa'rasangang-pa'rasangang bellaya, ba'lalo mange ri lino tau matea.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YO"EL 2:12

Nakana Batara, “Mingka kamma-kamma anne, pakkalepumi atinnu ammotere' mae ri Nakke, nuppuasa, appiraung siagang angngarru'.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

MATIUS 5:4

Mate'nei tau susaya pa'mai'na; nasaba' iami lanisaleori ri Allata'ala!

LUKAS 22:62

Jari assulukammi Petrus, nangngarru'-arru' tassunge'nge'.

LUKAS 6:21

Mate'ne ngasengko tau cipuruka ri kamma-kammaya anne; nasaba' lanibassoriko sallang! Mate'ne ngasengko tau angngarruka ri kamma-kammaya anne; nasaba' lammakkalakko sallang!

LUKAS 7:37

Anjoreng ri kotaya nia' pole sitau baine sannaka jaina dosana. Ri wattunna nalangngere' anjo bainea angkanaya niaki Isa sitabang angnganre ri balla'na anjo tu Farisia, battumi angngerang sibotolo' minynya'-minynya' bau'.

LUKAS 7:39

Nacini'na anjo tu Farisi patannaya balla' appakamma anjo bainea, nakanamo lalang ri nyawana, “Punna na'bi anne Taua, tantu Naassengi angkanaya baine apa anjo baine anjamayai; tantu Naassengi angkanaya anjo bainea, baine sanna' jaina dosana!”

YOHANES 11:2

Iaminne Maria antirikiai minynya'-minynya' bau' bangkenNa Isa, nampa nalu'lu' siagang uu'na. Nia' se're wattu na nataba garring Lazarus.

YAKOBUS 4:9

Paralluko angngarru' siagang appiraung lanri nusassala' tojenna kalennu; parallui amminra kakkala'nu a'jari karru', siagang amminra karannuannu a'jari si'na!