LUKAS 7:25 - KITTA' MATANGKASA'

²⁵ Apa ero' mange nucini'? Se're tau ammakeang ga'ga? Niaki ri balla' lompona karaenga tau ammakeang ga'gaya siagang tau kala'bianga ri katallassanna!

LUKAS 7:25 Iomraidhean Croise

2 SAMUEL 19:35

Sagantujupulo taummi umuru'na atanta, siagang tena akkulle lanakasannangngang atanta. Tenamo nakkulle nakasia' baji' apa nakanrea siagang apa nainunga atanta, kammayatompa takkulleami nalangngere' atanta sa'ranna tau akkelonga. Poro ikatteji bawang lakubattalli karaeng.

1 KARAENG-KARAENG 10:5

cara-carana pagawena anjama-jama ri balla' kakaraenganga, pakeang sirupana ke'nanga, kammayatompa pa'ballakanna ke'nanga. Naciniki kanrea siagang je'ne' inung nipatalaya, cara-carana palayanga allayani ri passua'-suarranga, siagang koro'bang-koro'bang nipassareanga ri Salomo lalang ri Balla'Na Batara. Yangasenna anjo napakalannasa'mi siagang takkonta'mi nyawana anjo karaeng bainea battua ri pa'rasangang Syeba anciniki.

2 KARAENG-KARAENG 1:8

Appialimi ke'nanga angkana, “Jubana siagang passikko' aya'na battu ri kukkulu' nipare'.” Angkanami karaenga angkana, “O, anjo Elia!”

ESTER 1:11

Nasuromi ke'nanga angngerangi Ratu Wasti battu ri dallekanna nanapake songko' kakaraenganga ri ulunna. Anjo ratua teai sipato' ga'gana, nampa ero' napappicini'-cinikang kaga'ganna anjo bainenna mae ri sikamma tumalompoa siagang sikamma toananna.

ESTER 1:3

Ri makatallun taunna ammarenta, appare'mi acara passua'-suarrang lompo anjo Karaeng Ahasyweros untu' sikamma tumalompona siagang pagawe-pagawena. Hadere' tongi panglima tantarana Persia siagang Media ri anjo passua'-suarranga. Kammayatompa sikamma guburnur siagang pagawe-pagawe tinggi battua ri daera propinsi nia' ngaseng tongi hadere'.

ESTER 4:2

Battuna mae ri dallekang pakke'bu' lompona balla' karaenga ammantammi, nasaba' tanipa'biangngai antama' tau ammakea kaeng karung.

ESTER 5:1

Ri makatalluna allo puasana, napakemi Ester pakeang ratuna, nampa a'lampa mange ri paranglakkeng lalanna balla' karaenga. Ammentengi ri dallekang pakke'bu'na balla' luara' passe'reang taua ri dallekanna karaenga. Anjo wattua sitabangi ammempo karaenga irate ri empoang kala'biranna, a'dalle' mange ri anjo pakke'buka.

ESTER 8:15

Le'baki anjo nabokoimi Mordekhai balla'na karaenga. Ammakei pakeang kalompoang gauka siagang keboka tanja'na, ammake juba lame butung battu ri kaeng lenang halusu' tanja'na, kammayatompa ammakei songko' bulaeng sannaka ga'gana. Akkiok-kio'mi taua ri kota Susan napakamma rannu.

YESAYA 59:17

Napakei kaadelanga siagang kasalamakkanga a'jari baju bassi siagang topi baja. Attojeng-tojengi appattujuang untu' appakabaji' siagang ambalasaki tau a'gau' tenaya naadele'.

MATIUS 11:8

Apa ero' mange nucini' anjoreng? Tau ammake pakeang ga'ga? Niaki ri balla' lompona karaenga tau ammakeang ga'gaya!

MATIUS 3:4

Anjo Yohanes bulu unta pakeanna. Kukkulu' passikko' aya'na, na katimbang siagang bani romang napare' kanre.

MATIUS 6:29

u'rangi sai antekamma kalumanynyanna anjo Karaeng Salomo, mingka tenapa nabajikangang pakeanna naanjo bunga-bungaya!

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

LUKAS 7:24

A'lampanamo anjo tu nasuroa Yohanes, Nabicarami Isa ri tau jaia anjo passala'na Yohanes. Nakana, “Apa ero' mange nucini' ri parang lompoa? Silawara' ruku' natuika anging?

LUKAS 7:26

Jari, apa ero' assulu' mange nucini'? Erokko mange accini' sitau na'bi? Kammatojengi, angkanaya na'bi anjo Yohanes; ba'lalo lompoangangi pole na na'bia.