LUKAS 7:12 - KITTA' MATANGKASA'

¹² Ri wattunna anrapi' Isa ri pakke'bu' lompona kotaya sibuntulu'mi paerang tu mate assulukang kota. Anjo tu matea ana' bura'ne, ana' sitau-tau, na jandamo amma'na. Jai tunjoreng ri kotaya anrurungangi anjo jandaya.

LUKAS 7:12 Iomraidhean Croise

PA'JARIANG 22:12

Nakanamo Batara tete ri anjo malaekaka, “Teako pa'risi antu anaka yareka teako apa-apai. Kamma-kamma anne Kuassemmi angkanaya nupakalompoA' siagang mannurukiko ri Nakke, nasaba' tena nanutollaki untu' ampassareangi ana' sitau-taunu mae ri Nakke.”

PA'JARIANG 22:2

Nakanamo Allata'ala, “A'lampako mange ri butta Moria siagang Ishak, anjo ana' sitau-taunu, sannaka nukarimangnginna. Anjoreng, ri se'reang bulu' laKujo'jokangako, musti nupassareangi antu ana'nu a'jari koro'bang mae ri Nakke.”

2 SAMUEL 14:7

Na kamma-kamma anne, sikontu kaluargana atanta namusui atanta siagang natuntuki atanta sollanna napassareang anjo ana'na atanta ammunoa mae ri ke'nanga, sollanna nahukkung mate ke'nanga anjo anaka, lanri le'ba'na nabuno sari'battanna. Punna napassareangi atanta anjo anaka, amantang mami atanta akkale-kale. Lanaancuruki ke'nanga se're-se'rea panrannuanna atanta. Nampa tenamo sitau ana' bura'ne untu' bura'nenna atanta ampannarrusuki jari-jarina.”

1 KARAENG-KARAENG 17:12

Appialimi anjo jandaya angkana, “Lanri Batara, Allata'ala mattallasaka, Ia kisombaya, assumpa' angkanaya tena rotiku. Ia niaka poro sikangkang mami tarigu lalang mangko', siagang sike'de' minynya' zaitun lalang ri botolo'. Appasse'rea' anne kayu tunuang untu' ampallui anjo bahang sike'deka, sollangku akkulle siagang anakku angnganre. Iaminjo kanre kala'busanna ikambe; le'baki anjo attayang mami ikambe untu' mate.”

1 KARAENG-KARAENG 17:18

Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

1 KARAENG-KARAENG 17:23

Nampa naung Elia battu ri anjo kamaraka na naerang anjo anaka mae ri amma'na siagang nakana, “Bu', anne anatta! Attallasa' poleammi ammotere'!”

1 KARAENG-KARAENG 17:9

“Kamma-kamma anne musti a'lampako mange ri kota Sarfat, ri ampi'na Sidon, siagang ammantangko anjoreng. Nia'mo sitau janda le'ba' Kusuro anjoreng untu' assareko kanre.”

2 KARAENG-KARAENG 4:16

Nampa nakanamo Elisa ri ia, “Taung ri dallekang, ri wattu kamma-kammaya anne, lakkalawing maki' sitau ana' lolo bura'ne.” Nakanamo anjo bainea, “Teaki' a'balle-ballei bapa'. Sai atanNaki' Allata'ala bapa'!”

2 KARAENG-KARAENG 4:20

Nierammi anjo anaka mange ri amma'na, nampa niriwa ri amma'na. Ri wattu karuenna matemi anjo anaka.

AYUB 29:13

Nipujia' ri tau sannaka lompona kasusaanna, kutulungi sikamma jandaya sa'genna amang nasa'ring ke'nanga.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

LUKAS 7:11

Tena nasallo ribokoanganna, a'lampai Isa mange ri kota Nain. Amminawang tongi ana'-ana' gurunNa siagang tau jaia.

LUKAS 7:13

Tu'guru'mi pangngamaseanNa Isa anciniki anjo jandaya. Nakanamo ri ia, “Teaki' angngarruki bu'!”

LUKAS 8:42

nasaba' garringi ana' bainena sitau-taua sampulo anrua taung umuru'na, siagang a'biring dudumi mate. Lalang a'jappaNa Isa mange ri balla'na Yairus, battumi taua attammulili siagang siassa'-assa', mae ri Isa.

LUKAS 8:52

Angngarru'mi siagang appiraung ngasemmi taua angkarruki anjo ana' matea. Mingka Nakanamo Isa, “Teako niakki angngarru'. Anjo anaka tena namate, mingka attinronaja!”

YOHANES 11:19

Jaimi tu Yahudi battu angkunjungi Marta siagang Maria untu' ansaleori ke'nanga lanri matena sari'battanna.

LAMPA-LAMPANA 9:39

Ammentemmi linta' Petrus, nampa a'lampa ampinawangi anjo tunisuroa battu. Battuna ke'nanga mange anjoreng, nierammi Petrus nai' ri kamara' rateanga. Battu ngasemmi janda niaka anjoreng angngarru', allipungi Petrus. Napaccinikammi ke'nanga mae ri Petrus sikamma baju-bajua siagang juba-juba najaika Dorkas, eroka napassareang Dorkas ri ke'nanga ri wattu attallasa'na.

LAMPA-LAMPANA 9:41

Nampa nata'gala' Petrus limanna nanatulung ammenteng. Le'baki anjo nakio'mi Petrus sikamma tau tappa' niaka anjoreng siagang sikamma anjo janda-jandaya, nampa napassareang Dorkas le'bakamo attallasa' poleang, mae ri ke'nanga.

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.