LUKAS 6:9 - KITTA' MATANGKASA'

⁹ Nampa akkuta'nang Isa ri tau niaka anjoreng Nakana, “Manuru' agamaya apa akkulle nigaukang ri allo Pammari-marianga? A'gau' baji' yareka a'gau' ja'dala'? Appasalama' tau yareka ancilakai taua?”

LUKAS 6:9 Iomraidhean Croise

MARKUS 3:4

Nampa akkuta'nang ri anjo tau niaka ngaseng anjoreng nakana, “Manuru' agamaya, kereanga akkulle nigaukang ri allo Pammari-marianga? A'gau' baji' yareka a'gau' ja'dalaka? Appasalamaka tau yareka ammunoa tau?” Tenamo na nia' ri ke'nanga akkana.

LUKAS 14:3

Akkuta'nammi Isa ri guru-guru agamaya siagang tu Farisi niaka anjoreng Nakana, “Manuru' atorang agamata, maka akkullejaki' amballei tau garringa ri allo Pammari-marianga?”

LUKAS 6:10

Naciniki ngasemmi Isa sikamma tau niaka hadere'. Nampa Nakana ri anjo tau mate sialia limanna, “Pajonjoi limannu.” Napajonjomi limanna anjo taua, na'jari baji'mo limanna.

LUKAS 6:8

Mingka Naassengi Isa pikkirang salana ke'nanga. Jari Nakanamo ri anjo tau mate sialia limanna, “Maeko anrinni ammenteng ri dallekang!” Ammentemmi anjo taua, nampa mange ri dallekang.

LUKAS 9:56

Le'baki anjo a'lampami ke'nanga mange ri pa'rasangang maraenga.