LUKAS 6:49 - KITTA' MATANGKASA'

⁴⁹ Mingka inai-nai allangngereki kanangKu mingka tena nagaukangi, iami sanrapang tau ambangunga balla', natena nammake pondasi. Punna battu a'baya antujui, anra'ba memammi silalonna; na teai sipato' lompona panra'na anjo ballaka!”

LUKAS 6:49 Iomraidhean Croise

PANGNGEBARANG 28:18

Tau tenaya callanna lalang tallasa'na lasalamaki. Tau a'lekko-lekkoa tallasa'na, latu'guruki.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

HOSEA 4:14

Mingka tena nalaKuhukkung anjo panggaukanna ke'nanga, nasaba' manna ikau a'lampa tonjako mange ri sikamma pasundala' niaka ri balla' rewataya, siagang assiagang ngasengko ke'nanga assare koro'bang mae ri rewata-rewataya. Annaba tojengi kana-kana angkanaya, ‘Bansa tenaya pammahanna ri passala'na Allata'ala laruntungi.’

MATIUS 23:3

Lanri kammana pilangngerimi siagang gaukammi apa napassuroanga. Mingka teako gaukangi apa nagaukanga ke'nanga. Nasaba' kalenna ke'nanga tena nagaukangi apa napangngajarranga ke'nanga.

MATIUS 24:10

Na anjo wattua jai tau lammono'boko; jai lanynyaleweng, siagang lasikabirisi massing para ia.

MARKUS 4:17

Mingka tena nantama' aka'na anjo kabaraka ri atinna ke'nanga, sa'genna tena nasallo attahang. Kamma natujuna susa yareka kamma anggappana passessa ke'nanga passabakkang anjo kabaraka, ammono'boko memammi ke'nanga.

LUKAS 12:47

Inai-nai palayang angngassengi ero'na karaenna, mingka tena nasadia siagang tena nagaukangi ero'na karaenna, lanicambo'mi nipasitangnga mate.

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

LUKAS 6:46

“Angngapa nukkio', ‘Batara, Batara’ ri Nakke, mingka taerokako anggaukangi apa Kupaua ri kau?

LUKAS 6:48

Iami sanrapang tau ambangunga balla', nakekei lantang-lantang buttaya, nampa batu napare' pondasi. Ri wattunna battu a'baya siagang battu je'ne' binangaya antujui anjo ballaka, takkulleai ta'ge'goso', nasaba' bajiki pondasina.

LUKAS 7:1

Le'baki Napau Isa sikamma anjo passalaka mae ri tau jaia, a'lampami mange ri Kapernaum.

YOHANES 15:2

Sikamma tangke-tangke niaka ri Nakke nata'rappoa, lanipelaki. Na sikamma tangke-tangke a'rappoa, lanitangkasi sollanna pila' jai rapponna.

LAMPA-LAMPANA 20:29

Punna a'lampa' sallang, ma'nassa laniaki battu kongkong romang nye'nyereka ri tangnga-tangnganu. Na anjo tau nujagaia la'jarimi sanrapang kanre-kanrena anjo kongkong romang nye'nyereka.

LAMPA-LAMPANA 26:11

A'mole-mole sikali kusessa ke'nanga ri sikamma balla' sambayanga, lanri ero'na kupassa ke'nanga ambokoi anjo apa napatappaka ke'nanga. Lanri bambanna nyawaku mae ri ke'nanga, sa'genna manna mange ri kota-kota maraenga a'lampa tonja' angngondangi ke'nanga anjoreng.”

1 TESALONIKA 3:5

Lanri kammana minjo nakusuromo Timotius battu mae ri kau ngaseng, sollanna akkulle kuasseng antekamma kamajuanna katappakkannu, nasaba' teai sipato' ero'na kuasseng. Bata-batai nyawaku, gassingka naso'riko Billisi' sa'genna a'jari sia-sia ngaseng kaposoanna ikambe.

2 PETRUS 2:20

Punna ta'lappasa'mo taua battu ri kakoasanna lino anra'massiai rupataua, lanri tappa'namo mae ri Batara siagang Mappasalamatta Isa Almasi, nampa nijarro' poleang sa'genna nibeta ri anjo kakoasanga, kajarianna lapila' panra'mi anjo taua na rioloangannaya.

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.