LUKAS 6:46 - KITTA' MATANGKASA'

⁴⁶ “Angngapa nukkio', ‘Batara, Batara’ ri Nakke, mingka taerokako anggaukangi apa Kupaua ri kau?

LUKAS 6:46 Iomraidhean Croise

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

MATIUS 25:11

Le'baki anjo nampami battu anjo tulolo maraenga. Akkiok-kio'mi ke'nanga angkana, ‘O Karaeng, o Karaeng, kisungke sai pakke'buka.’

MATIUS 25:24

Battu tommi anjo palayang annarimaya sisa'bu doe' ringgi' bulaeng. Nakanamo ri karaenga, ‘O karaeng, kuassengki' angkanaya ikatte tau sekkekki'. Angngalleki' rappo-rappoang battu ri poko'-poko' takilamunga; siagang angngalleki' wassele' ri tampa' tenaya naikatte allamungi bine.

MATIUS 25:44

Appialimi ke'nanga ri Ia angkana, ‘O, Batara, ringngapanna nakucinikKi' cipuru', yareka turere, yareka nitarungku, yareka a'jari tu battu-battu, yareka taccare-carea, yareka garring, natakutulungaKi'?’

GALATIA 6:7

Teako eroki nitipu. Anjo Allata'ala takkulleai nipakkarek-karenang! Apa nilamung iatommi anjo lanikatto.

YAKOBUS 1:22

Parallui nugaukang apa-apa Napaua Allata'ala; teako poro nullangngere'naja bawang, sa'genna sangkammami nuballe-ballei kalennu.