LUKAS 6:41 - KITTA' MATANGKASA'

⁴¹ Angngapa nakkulle nucini' baru'bu' kayua lalang ri matanna sari'battannu, natena nujampangi kayu baloka lalang ri matannu?

LUKAS 6:41 Iomraidhean Croise

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

1 PATTOTTORANG 21:6

Mingka tenapa nantama' suku Lewi siagang suku Benyamin ri anjo bilanga. Tena nabilangi Yoab anjo ke'nanga, lanri tena nangai anggaukangi anjo parentana karaenga.

PAMMUJI 36:2

A'bicarai dosaya ri ati mailalanna tu ja'dalaka, tena sikali malla'na mae ri Allata'ala.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

YEHEZKIEL 18:28

Nasadarimi sikontu panggaukanna nampa ammari anggaukangi dosaya. Lalang kammana anjo tenamo nalamate, passangalinna tuli lattallasaki.

MATIUS 7:1

“Teako mangngadeli ri parannu tau, sollanna tena todong Naadeliko Allata'ala.

MARKUS 8:7

Nia' todong siapa are juku' ca'di-ca'dina ke'nanga. Naallemi Isa anjo jukuka nampa appala' sukkuru' ri Allata'ala. Nampa Nasuro ana'-ana' gurunNa antawa-tawa tongi anjo jukuka.

LUKAS 6:40

Tena ana' guru la'jari lompoangang na gurunna. Mingka punna le'ba'mo appilajara' ana' gurua, lasangkammami gurunna.

LUKAS 6:42

Antekamma lakkulle nukana ri sari'battannu, ‘Maeko sari'battang, nakupasulu' anjo baru'bu' kayua lalang ri matannu,’ na nia' kayu balo' lalang ri matannu tanucinika? He, munape'! Pasuluki rolong anjo balo' niaka lalang ri matannu. Punna assulu'mo, nampami labaji' paccini'nu, siagang nampami akkulle nupasulu' anjo baru'bu' kayu lalanga ri matanna sari'battannu.”

YOHANES 8:7

Ri wattunna pila' akkuta'nang ke'nanga, Naangka'mi ulunNa Isa nampa Nakana ri ke'nanga, “Inai-nai ri kau tena dosana, iamo rolong ansambilai batu anjo bainea.”

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

YAKOBUS 1:24

Le'baki naparhatikang baji'-baji', a'lampami siagang nakaluppaimi angkana antekamma anjo rupanna.