LUKAS 6:39 - KITTA' MATANGKASA'

³⁹ Le'baki anjo Nacaritami Isa anne pangngebaranga, Nakana, “Punna tau buta anrenrengi paranna tau buta, tena tatu'guru'na sipa'rua naung ri solonganga.

LUKAS 6:39 Iomraidhean Croise

YESAYA 56:10

Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!

YESAYA 9:16

Anjo bansaya a'bokomi siagang panra'mi; yangasenna ke'nanga a'bicara sala mami. Lanri kammana anjo tena manna sitau tau rungka Nipata'lappasa' ri Batara. Tena Nakamaseangi sikamma jandaya siagang ana'-ana' kukanga. Mingka tuli larroNa ija siagang tuli Nahukkunna ija Batara ke'nanga.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

MATIUS 13:3

Nampa Naajara' Isa ke'nanga a'rupa-rupa pangngajarang, lalang se're pangngebarang. Nakana, “Nia' sitau pamarri appakioro' bine.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

MATIUS 23:33

E, ikau ngaseng tau ja'dalaka siagang sossorang tau ja'dalaka! Antekamma lakkulle nuliliang hukkunganga ri naraka?

ROMA 2:19

Tappakko angkanaya ikaumi parenrenna tau butaya siagang singara'na tau niaka lalang ri sassanga;

2 TIMOTIUS 3:13

na ia tau ja'dalaka siagang tau paballe-ballea lapila' ja'dalaki. Natipui paranna tau, mingka sikontutojenna manna kalenna ke'nanga nitipu tonji.