LUKAS 6:35 - KITTA' MATANGKASA'

³⁵ Sikontutojenna takammayai anjo! Mingka musti nukamaseangi musunnu, siagang a'gau' bajikko ri ke'nanga. Musti nusarei taua angnginrang, siagang teako attayangi lanipoterangngang. Punna kamma anjo batenu, lompoi pahala lanugappaya, siagang la'jari mako ana'-ana'Na Allata'ala Kaminang Tinggia. Nasaba' baji' pa'maiki Allata'ala mae ri tau tenaya nangngasseng appala' sukkuru', kammayatompa baji' pa'maiki mae ri tau ja'dalaka.

LUKAS 6:35 Iomraidhean Croise

PAMMUJI 112:5

Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

PAMMUJI 145:9

Lammoro' pa'maiki mae ri sikontu taua, siagang Nakamaseang sikontu apa Napa'jaria.

PAMMUJI 37:26

Tuli appappinrangi siagang assarei, na'jari barakka' ana'-ana'na mae ri kalenna.

PAMMUJI 58:11

Rannui tau lambusuka anciniki tau ja'dalaka nihukkung, na nabissai bangkenna lalang cera'na tau dorakaya.

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

PANGNGEBARANG 22:9

Tau baji' pa'maika nibarakkaki ri Batara, lanri nabagei dalleka siagang tau kakuranganga.

MATIUS 5:9

Mate'nei tau mappasiamaka paranna tau; nasaba' iami laniakui ri Allata'ala a'jari ana'-ana'Na!

MARKUS 5:7

Ammarrang lompomi nakana, “O Isa, Ana'Na Allata'ala Kaminang Tinggia! Apa ero' Nugaukang ri nakke? Nasaba' Allata'ala, kupalaki ri Katte, tea' laloKi' sessaia'!” (

LUKAS 1:32

La'jari tu nipakala'biriki, siagang lanigallaraki Ana'Na Allata'ala Kaminang Tinggia. Lanipa'jari KaraengI ri Karaeng Allata'ala sangkamma Karaeng Daud boeNa.

LUKAS 6:36

Paralluko lompo pangngamaseang sangkamma Manggenu lompo pangngamaseangi.”

YOHANES 13:35

Punna massing sikamaseangko, lanaasseng ngasemmi taua angkanaya ana'-ana' gurungKu ngasengko.”

YOHANES 15:8

Punna jai rapponnu, nipakala'biriki ManggeKu; na lanri kammana minjo nu'jari tojeng-tojemmo ana'-ana' gurungKu.

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

2 TIMOTIUS 3:2

Massing kaparalluang kalenna mami lanaondang rupataua; massing angngondang dudui doe', tampoi siagang nangai a'bicara kosonga. Nangai ke'nanga nahina taua, naewai tau toana, tangngassengai appala' sukkuru', siagang nakabirisi nikanaya katallassang rohani.