LUKAS 6:20 - KITTA' MATANGKASA'

²⁰ Naciniki ngasemmi ana'-ana' gurunNa Isa, nampa Nakana, “Mate'ne ngasengko tau kasi-asia, nasaba' ikaumi umma'Na Allata'ala!

LUKAS 6:20 Iomraidhean Croise

PAMMUJI 37:16

Apa sike'de' napatanga tu bajika lompoangangi anggaranna nakala'bianna tu ja'dalaka.

PANGNGEBARANG 16:19

Bajikangngangi tuna pa'maika natena pa'barang-barangngang, kala amminawanga ri tau borroa nanikasia' barang-barang narampasaka ke'nanga.

PANGNGEBARANG 19:1

Bajikangngangi tu kasi-asi lambusuka ri tallasa'na, kala tau tolo nangaia a'balle-balle.

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

ZEFANYA 3:12

Anjoreng laKuboliki ammantang tuli se'reang bansa tuna pa'mai', ampattoangai pannulungKu. Akkullei ke'nanga ammantang anjoreng.

ZAKHARIA 11:11

Anjo memang alloa natanipa'jariamo anjo parjanjianga. Najannangngima' anjo sikamma padanggang gimbalaka, siagang napahammi ke'nanga angkanaya KalenNa Batara a'bicara tete ri sikontu apa kugaukanga.

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

MATIUS 5:1

Wattunna Nacini' Isa anjo tau jaia, nai'mi ri se'reang bonto. Ammemponamo, battu ngasemmi ana'-ana' gurunNa a'reppese'.

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

LUKAS 13:28

Ri wattunna nucini' Abraham, Ishak, siagang Yakub kammayatompa na'bi-na'bia a'rannu-rannu lalang ri Lino BeruNa Allata'ala, langngarru' mako siagang lasessa mako, nasaba' lanibongka mako ikau assulu'!

LUKAS 14:15

Ri wattunna nalangngere' tau naaganga sipangnganreang akkana kamma Isa, nia'mo kalase'renna ke'nanga angkana, “Upa' sikali tau sipangnganreanga Allata'ala punna battu sallang salaku Karaeng!”

LUKAS 16:25

Mingka appialimi Abraham nakana, ‘U'rangi ana' angkanaya: lalang sikontu tallasa'nu le'ba'mi kau nugappa siagang nukasia' sikontu apa-apa bajika; mingka Lazarus sangnging apa-apa kodia bawang le'ba' nagappa. Kamma-kamma anne nakasia' tommi Lazarus te'nea anrinni, na ikau nukasia' tommi sessaya.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

2 KORINTUS 6:10

Manna nanipakasi'na pa'maitta, mingka tuli rannujaki'. Kasi-asi maki' nicini', mingka jaimi tau nipa'jari kalumanynyang. Tena nicini' apa-apanta, mingka sikontutojenna nia' ngasemmi ri katte sikontu apa-apaya.

2 KORINTUS 8:2

Le'ba'mi ke'nanga niso'ri siagang kasukkarang lompo. Mingka ri tangnga-tangngana anjo kasukkaranga, tuli rannuna pa'mai'na ke'nanga. Manna nakasi-asi ke'nanga, mingka lammoro' pa'maiki ke'nanga assare sumbangang, untu' antulungi tau maraenga.

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

1 TESALONIKA 1:6

Nucontoimi katallassanna ikambe siagang Batara. Manna teai sipato' pa'risi'na katallassannu, mingka nutarima tonji siagang rannu pa'mai'nu anjo kabara' napabattua ikambe mae ri kau ngaseng. Anjo karannuanga RohNa Allata'ala assareko.

2 TESALONIKA 1:5

Anrinnimi anne a'nyata antekamma adele'na apa le'baka Natappuki Allata'ala; Le'ba'mi nukasia' sessaya passabakkang Lino BeruNa Allata'ala, jari lanikellai mako antama' anjoreng.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

PAPPICINI' 2:9

Kuassengi kasusannu ngaseng; Kuassengi angkanaya kasi-asiko, mingka sikontutojenna kalumanynyang ngasengko! Kuassengi sikamma pitina nipamangea ri kau, napare'-pareka sikamma tu nakanaya kalenna tu Yahudi, na sikontutojenna teai; anjo ke'nanga sangnging umma'na Billisika.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.