LUKAS 6:19 - KITTA' MATANGKASA'

¹⁹ Ero' ngasemmi taua anseroi Isa, nasaba' nia'na koasa assulu' battu ri KalenNa, akkullea amballei garrinna ke'nanga.

LUKAS 6:19 Iomraidhean Croise

2 KARAENG-KARAENG 13:21

Ri se'reang allo, ri wattunna nia' siapa are tau attarawang tumate, ti'ring nia' nacini' ke'nanga garombolang tu Moab battu. Napela' mami ke'nanga anjo mayaka antama' ri jera'na Elisa nampa lari. Kamma tassento'na anjo mayaka ri kitta'-kitta'na Elisa, attallasa' poleammi ammotere' anjo mayaka nampa ammenteng.

MATIUS 14:36

Napala'mi ke'nanga sollanna nipa'biang ke'nanga anjamai jubaNa Isa, manna cappa'naja. Na sikontu tau garring anjamayai jubaNa, a'jari baji' ngasemmi.

MARKUS 3:10

Sanna' jaina tau Naballei na'jari baji'. Sa'genna sisorong-sorong ngaseng minjo tau garringa, massing ero' a'reppese' nakkulle nasero Isa.

MARKUS 5:30

Anjo wattua nakasia' tommi Isa angkanaya nia' kagassingang assulu' battu ri KalenNa. Jari assailemi Isa, nampa Nakuta'nang tau jaia, Nakana, “Inai anseroi jubaKu?”

MARKUS 6:56

Kemae-kemae battu Isa – baji'na ri kampong-kamponga, ri desa-desaya, yareka ri kota-kotaya – anjoreng tommi battu taua massing angngerangi tau garrinna na napadongko' ri lapanganga. Nampa napala' dudu ri Isa, sollanna nipa'biang ngaseng anjo tau garringa anseroi jubaNa, manna cappa'naja nasero ke'nanga. Na sikontu tau le'baka anseroi jubaNa, a'jari baji' ngasemmi.

MARKUS 8:22

Battumi ke'nanga ri Betsaida. Anjoreng nia'mo tau buta naerang taua mae ri Isa, na napala' ri Isa sollanna Najama anjo tau butaya.

LUKAS 5:17

Nia' se're allo, ri wattunna angngajara' Isa, na nia' siapa are tu Farisi siagang guru-guru agama ammempo ampilangngeri. Tu battui ke'nanga ri Yerusalem siagang kota-kota niaka ri Galilea siagang Yudea. Niaki ri KalenNa Isa koasaNa Allata'ala untu' amballei na'jari baji' sikamma tau garringa.

LUKAS 6:18

Battumi ke'nanga ero' ampilangngeri kana-kananNa Isa, siagang ero' assuro ballei kalenna. Kammayatompa tau nasosoka setang nia' tommi battu, naniballei tommo, sa'genna baji' poleang.

LAMPA-LAMPANA 19:12

Ebara'na, punna nierang passapunna yareka passikko' aya' le'baka napake Paulus mae ri tau garringa, akkullemi a'jari baji' taua, yareka assulu'mi roh ja'dalaka ri kalenna ke'nanga.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.