LUKAS 6:17 - KITTA' MATANGKASA'

¹⁷ Le'baki anjo naummi Isa siagang tunisuroNa battu ri anjo bontoa, nampa ammantang ri se'reang parang lapparaka. Jai anjoreng ana'-ana' gurunNa maraenga, kammayatompa jai tommi tau battu a'rappungang, battu ri kere-keremae: tu battu ri sikontu pa'rasangang Yudea, Yerusalem, kota-kota Tirus, siagang Sidon kota anjorenga ri biring tamparanga.

LUKAS 6:17 Iomraidhean Croise

PAMMUJI 103:3

Iami ampamopporangi sikontu dosanu, ampamollei sikontu garrinnu,

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.

MATIUS 12:15

Naassengi Isa angkanaya niakkali ero' nibuno ri anjo tu Farisia. Jari a'lampami ambokoi anjo tampaka. Jaimi tau ampinawangi. Naballei ngasemmi sa'genna a'jari baji' sikontu tau garringa.

MATIUS 14:14

Ri wattunna naung Isa battu ri biseanga, Nacini'mi anjo tau jaia. Tu'guru'mi pangngamaseanNa Isa anciniki ke'nanga. Naballeimi sikamma tau garringa, niaka todong battu.

MATIUS 15:21

Le'baki anjo, Nabokoimi Isa anjo tampaka. A'lampami mange ri daera ambania ri kota Tirus siagang Sidon.

MATIUS 5:1

Wattunna Nacini' Isa anjo tau jaia, nai'mi ri se'reang bonto. Ammemponamo, battu ngasemmi ana'-ana' gurunNa a'reppese'.

LUKAS 5:15

Mingka pila' tassiara'mi kabara'Na Isa ri kere-keremae. Jaimi tau battu ero' ampilangngeri apa Napabattua, siagang ero' assuro ballei garrinna ke'nanga.

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

LUKAS 6:16

Yudas ana'na Yakobus siagang Yudas Iskariot ambalukangai Isa sallang.

LUKAS 6:18

Battumi ke'nanga ero' ampilangngeri kana-kananNa Isa, siagang ero' assuro ballei kalenna. Kammayatompa tau nasosoka setang nia' tommi battu, naniballei tommo, sa'genna baji' poleang.