LUKAS 5:38 - KITTA' MATANGKASA'

³⁸ Anggoro' berua musti anjoreng tongi ri pammoneang berua niboli'.

LUKAS 5:38 Iomraidhean Croise

YEHEZKIEL 36:26

Jari laKusare mako ati beru siagang pikkirang beru. Anjo atinnu terasa' kammaya batu laKusambei siagang ati mannuruki.

MATIUS 9:17

Kammayatompa, tenanniakka tau ammoli' anggoro' beru ri pammantangang lajappokamo. Nasaba' tena tareppe'na anjo pammantanganna, sa'genna tappela'-pela'mo anjo anggoroka. Jari anjo anggoroka musti anjorengi ri pammantangang berua todong niboli', sollanna tuli baji' anjo anggoroka siagang pammoneanna.”

LUKAS 5:37

Kammayatompa, tena tau ammoli' anggoro' beru lalang ri pammoneang toaya. Nasaba' lareppeki anjo pammoneang toaya napakamma anjo anggoro' berua. Jari latappelaki anjo anggoro' berua, napanra' todong anjo pammoneanga.

LUKAS 5:39

Kammayatompa, tena tau ero' angnginung anggoro' beru, punna le'ba'mo angnginung anggoro' sallo. Nasaba' nakana ke'nanga, ‘Bajikangangi anjo anggoro' salloa.’ ”

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

GALATIA 2:4

manna pole nakamma nia' siapa are tau ero' ansuro passai. Anjo ke'nanga tau antama' cokko-cokko ri golonganta, assara-sarai a'jari sari'battang siagang ikatte. Antama' cokko-cokkoi ke'nanga lanri eroki nasalidiki kabebasanta ikatte tau assileoka katallassanta lalang ri Isa Almasi. Eroki ke'nanga ampoterangki' ammotere' mange ri katallassanta riolo, a'jari ata.

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

PAPPICINI' 21:5

Nampa Nakanamo anjo niaka ammempo irate ri empoang kala'biranga, “Kamma-kamma anne Kupa'jari beru ngasemmi sikontu apa-apa niaka!” Nakana pole ri nakke, “Tulisiki anne, nasaba' sikamma anne kana-kanaya sangnging kana tojeng siagang siratangi nipatappa'.”