LUKAS 5:35 - KITTA' MATANGKASA'

³⁵ Mingka lanarapiki wattunna nalanialle anjo bunting bura'nea battu ri ke'nanga. Iaminjo wattua nalappuasa ke'nanga.”

LUKAS 5:35 Iomraidhean Croise

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

DANIEL 9:26

Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

MATIUS 9:15

Appialimi Isa angkana, “Maka biasai toanaya si'na atinna punna nia' ija bunting bura'nea ri tangnga-tangngana ke'nanga? Antekamma panggappanu? Tantu tena! Mingka lanarapiki sallang wattunna lanialle anjo bunting bura'nea battu ri tangnga-tangngana ke'nanga. Iaminjo wattua nalasi'namo atinna ke'nanga.

MARKUS 2:20

Mingka lania' wattunna na lanialle bunting bura'nea battu ri ke'nanga. Nampami tangnganrea ke'nanga anjo wattua.

LUKAS 17:22

Le'baki anjo Nakanamo Isa ri ana'-ana' gurunNa, “Lanarapiki sallang wattunna nanuero' anciniki se'rea allo ri allo kabattuanNa Ana' Ma'rupataua, mingka takkulleako anciniki.

LUKAS 5:34

Appialimi Isa Nakana, “Maka nusuroi toanannu appuasa ri pa'buntinganga punna nia'ija bunting bura'nea angngagangi ke'nanga? Tantu tena!

LUKAS 5:36

Nampa Nacaritamo pole Isa ri ke'nanga anne pangngebaranga, “Tena tau antampengi baju toana, nakaeng battu ri baju berua napake antampengi. Nasaba' tantu nakekkeki anjo baju berua. Siagang pole, tantu tena nasicoco' anjo kaeng pannampeng berua siagang anjo baju toaya.

YOHANES 12:8

Tau kasi-asia tuli lania'ji ri tangnga-tangnganu ngaseng, mingka iNakke tena.”

YOHANES 13:33

Ana'-anakKu ngaseng, tenamo naKulasallo ammantang angngagangko. LanuboyA' sallang, mingka sangkamma le'baka Kupau ri pamarentana tu Yahudia, kamma tomminjo Kupau ri kau ngaseng; angkanaya takkulleako mange ri tampa' laKumangeia.

YOHANES 16:28

Memang iNakke assalakKu iamintu battu ri Manggea, siagang nia'Ma' battu antama' ri linoa. Mingka kamma-kamma anne laKubokoimi anne linoa, naKuammotere' mae ri Manggea.”

LAMPA-LAMPANA 1:9

Le'baki akkana kamma Isa, niangka'mi nai' ri suruga, nicini' ngaseng ri ke'nanga, sa'genna nitongko' ri rammanga natanicinikamo ri ke'nanga.

LAMPA-LAMPANA 14:23

Nampa naangka'mo Paulus siagang Barnabas pamimping-pamimpinga ri massing-masinna anjo jama'aka. Nampa appala' doang siagang appuasa ke'nanga, nanapassareang ke'nanga anjo pamimping-pamimping jama'aka mae ri Batara napatappaka ke'nanga.

LAMPA-LAMPANA 3:21

Musti ammantangi ri suruga sa'genna le'ba' ngaseng Napa'jari beru linoa Allata'ala, situru' apa le'baka Napattantu Allata'ala lalang ri na'bi-na'biNa ri jammang riolo.

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

2 KORINTUS 11:27

Sitangnga matea' akkareso: a'mole-molea' tattinroa, tangnganrea, tangnginunga; a'mole-molea' naalle cipuru', naalle dinging lanri kuranna care-careku siagang tenana pammantangangku.